قازاقستان رەسپۋبليكاسى پرەزيدەنتىنىڭ ۇلى وتان سوعىسى ارداگەرلەرىن قولداۋ جونىندەگى جالپىۇلتتىق اكتسياسى اياسىندا استانا قالاسىنىڭ اكىمى ەلباسىنىڭ اتىنان ۇوس ارداگەرلەرىن كەلە جاتقان جاڭا جىلمەن جانە جەڭىستىڭ 70 جىلدىعىمەن قۇتتىقتادى.
ادىلبەك جاقسىبەكوۆ ۇلى وتان سوعىسىنىڭ ارداگەرلەرى رايسا سافونيچەۆاعا, تەزەكپاي ءابدىراحمانوۆقا جانە ۆلاديمير كالسينگە زور دەنساۋلىق پەن وتباسى اماندىعىن تىلەپ, سىي-سياپاتتار تابىس ەتتى.
– سىزدەر سوعىس جىلدارى جانە سوعىستان كەيىنگى اۋىر كەزەڭدە دە قاجىرلى ەڭبەكتەرىڭىزبەن بۇكىل حالىقتىڭ قۇرمەتىنە بولەنىپ, كەيىنگى ۇرپاققا ۇلگى بولدىڭىزدار. قازاقستاندىقتار مۇنى ماڭگى جادىلارىندا ساقتاپ, ءاردايىم ارداگەرلەرگە سىي-قۇرمەت, قامقورلىق كورسەتەدى. دەندەرىڭىز ساۋ بولسىن, بالا-شاعالارىڭنىڭ, جاقىن-جۋىقتارىڭنىڭ ورتاسىندا باقىتتى عۇمىر كەشە بەرىڭىزدەر. كۇش-قۋاتتارىڭىز سارقىلماسىن, – دەپ ەلوردا اكىمى پرەزيدەنت نۇرسۇلتان نازارباەۆتىڭ قۇتتىقتاۋىن ارداگەرلەرگە وقىپ بەردى.
ارداگەرلەر مەملەكەت باسشىسىنا قامقورلىعى مەن ىقىلاسى ءۇشىن العىستارىن ءبىلدىردى.
