استانا بىرىنشىلىگى اياقتالدى

فۋتبولدان اۋەسقويلار اراسىنداعى استانا بىرىنشىلىگىنىڭ جازعى ماۋسىمى قورىتىندىلاندى.

ەلىمىزدىڭ باس ستاديونى «استانا-ارەنادا» ماراپاتتاۋ ءراسىمى ءوتىپ, استانا قالاسى اكىمىنىڭ ورىنباسارى ەرمەك امانشاەۆ باستاعان توپ جەڭىمپازدار مەن ۇزدىك ويىنشىلارعا مەدالدار مەن كۋبوكتار تابىستادى.
مامىر ايىندا باستالعان بىرىنشىلىكتىڭ ويىندارى «استانا-ارەنا» جانە «تارلان-ارەنا» ستاديوندارىندا ءوتىپ, وعان 17 كوماندا قاتىس­تى. ءبىرىنشى كەزەڭنەن كەيىن تۋرنير كەستەسىندە جوعارى ورىندارعا ورنالاسقان سەگىز كوماندا ىرىكتەلدى. ءتۋرنيردىڭ اياقتالۋىنا ءتورت تۋر قالعاندا باس كۋبوكتان التى كوماندا ءۇمىتتى ەدى. الايدا قىسقى ماۋسىمنىڭ چەمپيونى «دوستار» كومانداسى ءبىر تۋر قالعاندا باستى باسەكەلەستەرىنەن جەتكىزبەستەي ۇزاپ كەتتى دە, مەرزىمىنەن بۇرىن چەمپيون اتاندى. ال ەكىنشى ورىن استانا بىرىنشىلىگىنىڭ دەبيۋتانتى «تۇڭعىش پرەزيدەنت قورى» كومانداسىنا بۇيىرىپ, ۇزدىك ۇشتىكتى №8 بجسمور قورىتىندىلادى.

استانا بىرىنشىلىگىنىڭ ۇزدىكتەرى:
ۇزدىك قاقپاشى – يگور چەرنىح («دوستار»)
ۇزدىك قورعاۋشى – ازات سماعۇلوۆ (№8 بجسمور)
ۇزدىك جارتىلاي قورعاۋشى – ءادىل بالعاباەۆ («دوستار»)
ۇزدىك شابۋىلشى – دەنيس پروكوپەنكو («دوستار»)
ۇزدىك سۇرمەرگەن – ديدار سىدىقبەك (تۇڭعىش پرەزيدەنت قورى)
ۇزدىك جاتتىقتىرۋشى – اندرەي شۋمارا (№8 بجسمور)
ۇزدىك تورەشى – سايات قاراباەۆ

ورىنبەك وتەمۇرات