«استانا» فك فينالعا شىقتى
ماتچ اياقتالعان سوڭ ستانيمير ستويلوۆ كوماندانى قۇتتىقتاپ, وسى ماۋسىم وڭاي بولماعانىن اتاپ كورسەتتى.
«وسى ماۋسىم مەنىڭ كوماندام ءۇشىن وتە قيىن بولدى. ماۋسىم باسىنداعى ءبىزدىڭ كىشىگىرىم ماقساتىمىز قازاقستان كۋبوگى فينالىنا شىعۋ بولاتىن. فينالدىق ويىندا بۇگىنگى ويىنمەن سالىستىرعاندا مۇلدە باسقاشا, جيناقى ويىن كورسەتەمىز. بۇگىنگى ويىندا كوپتەگەن قاتەلىكتەر جىبەردى. جاستارعا ول ءار كەز كەشىرىمدى. دەگەنمەن, ءبىز جاس ويىنشىلاردى الاڭعا شىعارىپ, وزدەرىن كورسەتۋگە مۇمكىندىك بەرەمىز. سول مۇمكىندىكتەرىن بارىنشا ءساتتى پايدالانا العانى دۇرىس», – دەدى كوماندانىڭ باس باپكەرى.
سونداي-اق, ول «قايرات» «استانانى» ءۇش ماتچتا جەڭگەنىن, بۇعان قوسا, ەلوردالىق فۋتبولشىلار سۋپەركۋبوك ءۇشىن كۇرەستە ەسە جىبەرگەنىن, بىراق وسىعان قاراماستان, ويىنشىلار كۋبوك ءۇشىن بارىن سالاتىنىن ايتتى.
astana.gov.kz