پرەمەر-ليگانىڭ كەزەكتى تۋرىندا ەلوردالىق «استانا» مەن الماتىلىق «قايرات» كەزدەسىپ, 2:2 ەسەبىمەن تەڭ تارقاستى. ويىندى «استانا-ارەنا» ستاديونىندا تاماشالاعان 2000 جانكۇيەر ءتورت بىردەي گولعا ريزا بولىپ تارقاستى.
كەزدەسۋدىڭ 29-ىنشى مينۋتىندا مۋجيكوۆ بەرگەن پاستى ۇتىمدى پايدالانا بىلگەن برەسسان الاڭ يەلەرىن العا شىعارسا, 34-ءىنشى مينۋتتا «استانا» كومانداسى باۋىرجان جولشيەۆ سوققان دوپپەن ەسەپتى ەسەلەي ءتۇستى. الايدا, ارادا بەس مينۋت وتكەن سوڭ قوناقتار ساپىنان پليەۆ كوزگە ءتۇستى. ول باۋىرجان يسلامحاننىڭ ورىنداۋىنداعى بۇرىشتاما دوپقا ءبىرىنشى جەتىپ, ۆلاديمير لوگينوۆسكيدەن ايلاسىن اسىردى. وسىلايشا 2:1 ەسەبىمەن العاشقى تايم ءبىتتى.
ال, ويىننىڭ ەكىنشى بولىگى باستالماي جاتىپ-اق «قايرات» بىردەن شابۋىلعا شىعىپ, ءنول ۇپايعا قاناعاتتانبايتىنىن ءبىلدىردى. ولار الاڭ يەلەرىن تىقسىرا ءتۇسىپ, 65-مينۋتتا ەسەپتى تەڭەستىرىپ كەتتى. بۇل جولى مەرگەندىگىمەن تانىلعان فۋتبولشى – اسلان داراباەۆ. سودان كەيىن عانا ەس جيعان «استانا» ءالسىن-ءالسىن دميتري حوميچ قورعاعان قاقپانى قانشا تورۋىلداعانمەن ءۇش ۇپايعا قول جەتكىزە المادى.
XV تۋردان كەيىن «استانا» كلۋبى 26 ۇپايمەن «اقتوبە» جانە «شاحتەردان» كەيىنگى ءۇشىنشى ورىنعا تۇراقتادى. ەلوردالىق فۋتبولشىلاردىڭ كەلەسى كەزدەسۋى 14 ماۋسىم كۇنى قوستاناي قالاسىندا جەرگىلىكتى «توبىلمەن» وتەدى.
