كەشە عانا استانا اكىمدىگىنىڭ قاۋلىسى مەن قالالىق ءماسليحاتتىڭ شەشىمىمەن ەلوردادا بۇعان دەيىن سانمەن بەلگىلەنگەن بىرقاتار كوشەلەرگە اتاۋلار بەرىلىپ, بىرنەشە كوشەنىڭ اتتارى وزگەرگەنىن, سونىڭ ىشىندە ەڭبەكشىلەر كوشەسى جانە جوبالىق اتاۋى № 36 كوشە بىرىكتىرىلىپ, ءاليحان بوكەيحان داڭعىلى اتاۋىن العانىن سۇيىنشىلەگەنبىز. ال بۇگىن سونىڭ جالعاسى ىسپەتتەس قر ۇلتتىق مۋزەيىندە الاش كوسەمىنىڭ 150 جىلدىعى مەن قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان «ءاليحان بوكەيحان: الاش مۇراتى جانە تاۋەلسىزدىك قۇندىلىعى» اتتى عىلىمي-تاجىريبەلىك كونفەرەنتسيا ءوتتى.
استانا قالاسى اكىمدىگىنىڭ قولداۋىمەن اتاۋلى شارانى قالالىق تىلدەردى دامىتۋ باسقارماسى ۇيىمداستىردى. بەلگىلى عالىمدار, قر پارلامەنتىنىڭ دەپۋتاتتارى, زيالى قاۋىم وكىلدەرى جينالعان باسقوسۋدى قالا اكىمىنىڭ ورىنباسارى ەرمەك امانشاەۆ اشىپ بەردى.
– بيىلعى جىل ءبارىمىز ءۇشىن ايرىقشا ماڭىزعا يە. وسى جىلى ەل تاۋەلسىزدىگىنىڭ 25 جىلدىعىن اتاپ وتەمىز. شىندىعىندا كەلگەندە, ەلىمىزدىڭ دامۋى تۇرعىسىنان قاراعاندا, ونىڭ ءار جىلى عاسىرعا تاتيدى. بۇگىندەرى ءبىز بۇكىل الەم تانىپ, الەمدىك وركەنيەت مويىنداعان الدىڭعى قاتارلى جاسامپاز ەلگە اينالدىق. استانا قالاسىندا تاۋەلسىزدىگىمىزدىڭ 25 جىلدىعى اياسىنداعى شارالاردىڭ ۇلكەن باعدارلاماسى جۇزەگە اسىرىلىپ جاتىر. ەلوردادا قاڭتار ايىنان باستاپ كوپتەگەن شارالار ءوتىپ كەلەدى. ولار جەلتوقسان ايىنىڭ اياعىنا دەيىن جالعاسادى, – دەگەن ەرمەك ءامىرحانۇلى ءاليحان بوكەيحاننىڭ ەلدىك ىستەرىنە توقتالدى.
– «وتكەنگە – تاعزىم, بولاشاققا – امانات» دەمەكشى, مەملەكەتىمىزدىڭ قوعامدىق-ساياسي, الەۋمەتتىك ومىرىنە, رۋحانيات الەمىنە, عىلىم, بىلىمگە ۇلكەن ۇلەس قوسقان قايراتكەرلەرىمىز, سونىڭ ىشىندە الاش قايراتكەرلەرىنىڭ ورىنى دا, ءجونى دە بولەك. ەلباسىمىز نۇرسۇلتان نازارباەۆ مۇنىڭ ماعىناسىن وتە تەرەڭ اشىپ, ءوز سوزىندە ايتقان بولاتىن. ءاليحان بوكەيحاننىڭ 150 جىلدىعى دا بيىل ءارتۇرلى دەڭگەيدە اتالىپ كەلە جاتىر, – دەپ تۇيىندەدى ءسوزىن قالا اكىمىنىڭ ورىنباسارى.
كونفەرەنتسيا بارىسىندا ءاليحان بوكەيحاننىڭ قازاق جانە ورىس تىلدەرىندە شىققان قوس تومدىعىنىڭ تۇساۋى كەسىلدى. العاشقىسى «قازاق جەرىنىڭ جوقشىسى», ال ەكىنشىسى «امانات» دەپ اتالادى. ورىس تىلىندەگى نۇسقادا – «تۆورەتس يستوري» جانە «زاۆەششانيە». كىتاپتاردى قۇراستىرعان ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى جانىنداعى «الاش» مادەنيەت جانە رۋحاني دامۋ ينستيتۋتىنىڭ ديرەكتورى, ءاليحانتانۋشى عالىم سۇلتانحان اققۇلى مارتەبەلى ميسسيانى اكادەميك سەيىت قاسقاباسوۆ پەن استانا اكىمىنىڭ ورىنباسارى ەرمەك امانشاەۆقا تاپسىردى.
شارا بارىسىندا ءاليحان بوكەيحان جانە «الاش» قوزعالىسى تۋرالى عىلىمي دايەكتەر كەلتىرىلىپ, سەكتسيالىق وتىرىستاردا تاقىرىپ كەڭىنەن قوزعالدى.
امانعالي قالجانوۆ
