ەل تىنىسى
استانادا سۋبۇرقاقتار 1 مامىردا ىسكە قوسىلادى
ەلورداداعى سۋبۇرقاقتار 1 مامىردان باستاپ جۇمىس ىستەي باستايدى. قازىرگى تاڭدا قالاداعى كوممۋنالدىق قىزمەتتەر سۋبۇرقاقتاردى قىس ايلارىندا سۋىقتان قورعاعان كونسترۋكتسيالاردى بولشەكتەۋ جۇمىستارىن باستادى, دەپ حابارلايدى astana-akshamy.kz.
سونىڭ ىشىندە سارىارقا اۋدانى بويىنشا سۋبۇرقاقتاردىڭ قورعانىس جابىندارىن الىپ تاستاعاننان كەيىن مەحانيزمدەر كىر مەن توتتان تازالانادى. بۇدان ءارى سۋبۇرقاقتاردى تەكسەرىلىپ, جوندەۋ-قالپىنا كەلتىرۋ جۇمىستارى جۇرگىزىلەدى.
اۋداندىق اپپاراتتىڭ بالانسىندا 12 سۋبۇرقاق بار:
1. «جاستار تەاترى» سۋبۇرقاعى;
2. «اينالمالى شار» سۋبۇرقاعى;
3. اتىراۋ سۋبۇرقاعى;
4. «ءاليا مولداعۇلوۆانىڭ ەسكەرتكىشى» سۋبۇرقاعى;
5. «اقجايىق» ساياباعىنداعى سۋبۇرقاق.
6. اباي داڭع. – جەلتوقسان كوشەسى قيىلىسىنداعى سۋبۇرقاق;
7. ماسكەۋ كوشەسىندەگى ساياباقتاعى سۋبۇرقاق;
8. «سيرەن» سۋبۇرقاعى
9. سۋبۇرقاقتار كاسكادى.
10. قالالىق الاڭداعى سۋبۇرقاق (قالالىق اكىمدىك عيماراتىنىڭ الدىندا)
11. «قازاق دراما تەاترى» سۋبۇرقاعى
12. «ءومىر اعاشى» سۋبۇرقاعى