12 شىلدە كۇنى استانادا «ەكسپو-2017» مامانداندىرىلعان كورمەسى اياسىندا كاراتە-دودان ەرەسەكتەر جانە كادەتتەر مەن جاسوسپىرىمدەر اراسىندا ازيا چەمپيوناتى وتەدى.
ەرەسەكتەر اراسىندا 14-ءىنشى رەت, ال كادەتتەر مەن جاسوسپىرىمدەر اراسىندا 16-ىنشى رەت وتكەلى وتىرعان ازيا بىرىنشىلىگى قازاقستاندا العاش رەت جالاۋىن جەلبىرەتەدى. بۇعان دەيىن بۇل تۋرنير مالايزيا, سينگاپۋر, جاپونيا جانە قىتاي سەكىلدى ەلدەردە ۇيىمداستىرىلعان.
ەلوردادا وتەتىن بۇل ءدۇبىرلى دودادا 30 ەلدەن 700-دەن استام قاتىسۋشى باق سىنايدى. كاراتە-دو بويىنشا قازاقستان ۇلتتىق قۇراماسىندا 70 سپورتشى سىنعا تۇسەدى. ولاردىڭ ىشىندە الەم جانە ازيا چەمپيوناتتارىنىڭ جۇلدەگەرلەرى بار. اسىرەسە, وسى سپورت تۇرىنەن رەيتينگتە 1215 بالمەن تۇرعان رينات ساعىندىقوۆتى ەرەكشە اتاۋعا بولادى.
بايراقتى باسەكە كەزىندە تورەشىلەر ءۇشىن «Judge B» ساناتى بويىنشا اتتەستاتسيا بەرىلەتىن سەمينارلار وتەدى.
ورىنبەك وتەمۇرات
