«استانا اقشامى» گازەتى الەۋمەتتىك ماڭىزى بار ازىق-تۇلىك باعاسىنا مونيتورينگ جاساۋدى جالعاستىرۋدا. بۇل جولى «ەۆرازيا» جانە «گۇلجان» ساۋدا ۇيلەرى مەن قالانىڭ شەتىندە ورنالاسقان «بيگشانحاي» ورتالىق بازارىنداعى باعالاردى سالىستىرىپ كوردىك.
الا اكىمدىگى جۇرگىزگەن سوڭعى تالداۋدا ازىق-تۇلىك تاۋارلارىنىڭ باعاسىندا اسا وزگەرىس بايقالماعان. بۇل – اكىمدىك جانىنان قۇرىلعان جەدەل شتاب جۇمىسىنىڭ ناتيجەسى. ءبىز نىسانعا العان «ەۆرازيا» جانە «گۇلجان» ساۋدا ۇيلەرىندەگى باعا شامالاس بولىپ كەلەدى ەكەن. ال «بيگشانحاي» ساۋدا ءۇيى قالا سىرتىندا ورنالاسقاندىقتان بولار, مۇندا ازىق-تۇلىك باعالارى ەداۋىر ارزان. ماسەلەن, قىرىققاباتتىڭ كەلىسى 50 تەڭگە, كۇرىش – 200, پياز – 100, وتاندىق تاۋىق ەتى 550-700 تەڭگە ارالىعىندا ساتىلۋدا. سيىر ەتىنىڭ باعاسى, اسىرەسە, «ەۆرازيا» ساۋدا ۇيىندە قىمبات ەكەن. كەلىسى 1600 تەڭگە تۇرادى. «گۇلجاندا» 1300-دەن ساۋدالانسا, «بيگشانحايدا» 1000 تەڭگەدەن باستالادى.
– اپتاسىنا ءبىر رەت «بيگشانحاي» بازارىنا كەلەمىن. مۇندا ازىق-تۇلىك قانا ارزان ەمەس, وندىرىستىك تاۋارلار دا قولجەتىمدى باعادا ساتىلادى. كوبىنە كوتەرمە باعامەن الساڭ, ۇتاسىڭ – دەيدى قالا تۇرعىنى ءبيبىايشا سالەنقىزى.
گۇلميرا شارحانقىزى
