باقىتجان مالىباەۆ: پوليتسيانىڭ باستاپقى مىندەتى – قۇقىق بۇزۋشىلىقتاردىڭ الدىن الۋ
ەلوردالىق ءتارتىپ ساقشىلارىنىڭ قاتارىن 200 شتاتتىق ۋچاسكەلىك ينسپەكتور مەن وفيتسەرلىك قۇرامنان 150 ادام تولىقتىرادى. بۇل تۋرالى بۇگىن استانا ق. جەرگىلىكتى پوليتسيا قىزمەتىنىڭ باسشىسى باقىتجان مالىباەۆ قالا تۇرعىندارىمەن العاشقى ەسەپتىك كەزدەسۋدە ءمالىم ەتتى. شاراعا استانا اكىمىنىڭ ورىنباسارى اندرەي لۋكين, ەلوردالىق ءىىد, قالالىق ءماسليحاتتىڭ, قوعامدىق كەڭەس اكتيۆتەرىنىڭ وكىلدەرى, پيك باسشىلارى جانە ەلوردا تۇرعىندارى قاتىستى.
كەزدەسۋ بارىسىندا باقىتجان مالىباەۆ استانا ق. ءىىد جەرگىلىكتى پوليتسيا قىزمەتى جۇمىسىنىڭ قورىتىندىسىن شىعاردى, سونداي-اق, قالا ومىرىنە قاتىستى بىرقاتار وزەكتى ماسەلەلەرگە توقتالدى.
«بۇگىنگى كۇنى جەرگىلىكتى پوليتسيا قىزمەتىنىڭ شتاتتىق سانى 1,5 مىڭنان اسا قىزمەتكەردى قۇرايدى. قىزمەت قۇرامىندا پوليتسيانىڭ ۋچاسكەلىك ينسپەكتورلارى, جول-پاترۋلدىك, يۋۆەنالدى پوليتسيا جانە ايەلدەردىڭ قۇقىقتارىن تۇرمىستىق زورلىق-زومبىلىقتان قورعاۋ جونىندەگى پوليتسيا قىزمەتتەرى بار», – دەپ ءتۇسىندىردى مالىباەۆ.
قوعامدىق ءتارتىپتى قامتاماسىز ەتۋ ىسىندە كوزگە تۇسكەن جانە بەلسەندىلىك تانىتقان پوليتسيانىڭ قوعامدىق كومەكشىلەرىن ىنتالاندىرۋ ءۇشىن اكىمنىڭ قولداۋىمەن جىل سايىن 13 ملن تەڭگە قارجى بولىنەدى, دەدى باقىتجان مالىباەۆ.
كەزدەسۋدىڭ قورىتىندىسى بويىنشا, ەلوردا تۇرعىندارى مالىباەۆقا تۇرمىستىق زورلىق-زومبىلىق, مەكتەپ ينسپەكتورلارىنىڭ جۇمىسى, تۇرعىن ۇيلەردىڭ اۋلالارىندا كولىك قويۋ ەرەجەلەرىن بۇزۋ, جول بەلگىلەرىن ورناتۋعا ۋچاسكەلىك ينسپەكتورلاردىڭ رەيد شارالارىن كۇشەيتۋى, پوليتسيا قىزمەتكەرلەرىن ىنتالاندىرۋ سياقتى ءتۇرلى ماسەلەلەر بويىنشا سۇراقتار قويدى. ازاماتتاردىڭ بارلىق وتىنىشتەرى استانا ءىىد جەرگىلىكتى پوليتسيا قىزمەتى باسشىسىنىڭ ەرەكشە باقىلاۋىنا الىندى, ول جەدەل تۇردە سايكەس شارالار قابىلداۋعا ۋادە بەردى.
