Nur Otan پارتياسىنىڭ وكىلدەرى ەلورداداعى №11 ەمحانا ۇجىمىمەن كەزدەستى. جۇزدەسۋ ناسيحات جۇمىستارى اياسىندا ءوتتى. كەزدەسۋدە نۇروتاندىقتار ەمحانا قىزمەتكەرلەرىن ەلدىڭ تۇرمىس ساپاسىن ارتتىرۋعا ىقپال ەتەتىن سايلاۋالدى باعدارلامانىڭ نەگىزگى تارماقتارىمەن تانىستىردى. 
جيىندا №6 ەمحانانىڭ باس دارىگەرى دينارا بايسەركينا قاتىسۋشىلارعا دارىگەر ماماندىعىنىڭ مارتەبەسى تۋرالى ايتىپ بەردى. قوعامدا دارىگەردىڭ مارتەبەسى بيىلعى پاندەميا جاعدايىندا ارتا ءتۇستى. ولار بار قيىندىقتى حالىقپەن بىرگە ەڭسەرىپ, وزدەرى مەن وتباسىلارىن ويلاماسا دا, ناۋقاستاردىڭ جاعدايىن جاساۋعا تىرىستى.
Nur Otan پارتياسى مەديتسينالىق-الەۋمەتتىك كومەك بەرۋدى باستى مىندەت سانايدى. وسى ىندەت كەزىندە پارتيا وكىلدەرى ەل ازاماتتارىنىڭ ءومىرىن جاقسارتۋعا باعىتتالعان شارالارعا بەلسەندى تۇردە ارالاستى. جاعدايى قيىن وتباسىلارعا ازىق-تۇلىك پاكەتتەرىن تاراتتى, كومەككە ءزارۋ ازاماتتاردىڭ بارىنە قول ۇشىن سوزۋعا ۇمتىلدى, – دەيدى ول.
سايلاۋشىلار تاراپىنان دەنساۋلىق سالاسىن جاقسارتۋعا قاتىستى ۇسىنىستار دا ءتۇستى. «وليمپ» كلينيكالىق-دياگنوستيكالىق زەرتحانالار جەلىسىنىڭ باس ديرەكتورى ەرلان سۇلەيمەنوۆ ءوز سوزىندە ەلدىڭ الەۋمەتتىك-ەكونوميكالىق ءومىرىنىڭ قانداي بولاتىنى ءدال وسى دارىگەرلەرگە بايلانىستى بولاتىنىن, سوندىقتان ولاردىڭ جاعدايىن جاساۋ ماڭىزدى ماسەلە ەكەنىن جەتكىزدى.
«ۇلت ساۋلىعى قاي دەڭگەيدە بولسا, قوعامنىڭ دامۋ قارقىنى دا سول شامادا بولادى. سوندىقتان ەل ەرتەڭىن ويلاساق, الدىمەن دارىگەرلەرىمىز ەڭبەگىنە قاراي لايىقتى جالاقى الۋى كەرەك. ولار تۇرمىسىمدى قالاي رەتتەيمىن دەپ الاڭداماي, تەك پاتسيەنتتەردى ەمدەۋدى عانا ويلاۋى كەرەك» دەدى باس ديرەكتور.
مۇگەدەكتەرگە ارنالعان ورتالىق كلينيكالىق گوسپيتالدىڭ ديرەكتورى دينارا ورازالينا ادام ءومىرى – باستى قۇندىلىققا اينالعان قازىرگى كەزەڭدە پارتيانىڭ قوسىپ جاتقان ۇلەسى كوپ ەكەنىن العا تارتتى.
«پارتيانىڭ سايلاۋالدى باعدارلاماسىندا نەگىزگى 10 سىن-قاتەر انىقتالىپ, جازىلعان. سونىڭ ىشىندە ەڭ ءبىرىنشى ورىندا دەنساۋلىق ساقتاۋ سالاسى تۇر. بۇگىن ءبىزدىڭ سەكتوردى دامىتۋ ءۇشىن دارىگەرلەر مەن مەدبيكەلەرگە قوسىمشا اقى تولەنۋدە, مەديتسينا قىزمەتكەرلەرىنە ارنالعان جاتاقحانا قۇرىلىسى جۇرگىزىلۋدە, مەديتسيناعا قولجەتىمدىلىكتى بىرتىندەپ قامتاماسىز ەتۋ جۇمىستارى جاسالىپ, ونكولوگيالىق ورتالىق پەن ينفەكتسيالىق اۋرۋحانا قۇرىلىسى اياقتالىپ كەلەدى. بۇل پارتيا جۇمىسىنىڭ ءبىر پاراسى عانا, – دەيدى ول.
ءماسليحات دەپۋتاتى امان ايۋپوۆ بولسا ءوز تاراپىنان سايلاۋشىلاردى Nur Otan پارتياسىنا داۋىس بەرۋگە شاقىردى. «بيىل ەلىمىزدە بىرىنشە رەت پرايمەريز وتكىزىلدى, جاڭا ادامدار كەلدى, پارتيا جاڭا ىستەرمەن جانە ەسىمدەرمەن تولىقتى. قازىرگى تاڭدا ءماجىلىس پەن ءماسليحات دەپۋتاتتىعىنا ۇمىتكەرلەردىڭ ءبارى دە وسى ىسپەن اينالىسىپ, سايلاۋشىلارىن سايلاۋالدى باعدارلامامەن تانىستىرۋدا. سوندىقتان بۇل بۇگىندە بارىمىزگە ورتاق ءىس, – دەپ اتاپ ءوتتى دەپۋتات.
نۇر-سۇلتان قالاسىنداعى Nur Otan پارتياسىنىڭ سايلاۋ قورىنىڭ قاراجاتىنان تولەندى.