كاسىپكەرلەرگە سايلاۋالدى باعدارلاما تانىستىرىلدى

ۇگىت-ناسيحات ناۋقانى اياسىندا Nur Otan پارتياسى وكىلدەرى كاسىپكەرلەرمەن كەزدەستى.

«استانا تازالىق» جشس قىزمەتكەرلەرىمەن كەزدەسۋدە پارتيالىقتار باعدارلامانىڭ نەگىزگى باعىتتارىنا توقتالدى. بۇل باعىتتار ازاماتتارىمىزدىڭ ءومىر ساپاسى جاقسارۋىنا سەپتىگىن تيگىزەدى. سايلاۋشىلار وسىعان قاتىستى ءوز ۇسىنىستارىن ايتتى.
بۇدان ءبىر كۇن بۇرىن قازاقستان رەسپۋبليكاسى ورتالىق سايلاۋ كوميسسيانىڭ وتىرىسى ءوتتى. وندا قۇرىلىس سالۋشىلار اسسوتسياتسياسىنىڭ باسشىسى, Nur Otan پارتياسى نۇر-سۇلتان قالاسى فيليالىنىڭ كاسىپكەرلىك جونىندەگى كەڭەس توراعاسى بولات وماروۆ ناقتى ىستەر مەن ناقتى كادرلىق جانە ينتەللەكتۋالدى رەسۋرس Nur Otan پارتياسىنىڭ اينىماس باعىتى ەكەنىن اتاپ ءوتتى.
– بۇل پىكىردى مەن ەلدىڭ باستى پارتيا­سىنىڭ مۇشەسى بولعاندىعىمنان عانا ايتىپ وتىرعان جوقپىن. پرايمەريز كەزىندە وزدەرىڭىز انىق كوردىڭىزدەر, Nur Otan پارتياسى جاڭارىپ, جاساردى, بىلىكتى, تاجىريبەلى كادرلارمەن تولىقتى. بۇرىن Nur Otan-دى شەنەۋنىكتەر پارتياسى دەپ اتاسا, قازىر بۇل پارتيادان قورقاتىن بولدى. پارتيالىقتار جۇمىستارداعى كەمشىلىكتەردى كورسەتىپ, ايماقتار پروبلەمالارىن شەشۋگە مۇرىندىق بولىپ وتىر. Nur Otan پارتياسىنىڭ ورگاندارى ناقتى اقپاراتپەن قارۋلانىپ, ازاماتتارمەن جۇمىس ىستەيدى, بۇكىل وقيعالاردى سول ورىندا جەدەل قاراپ, شەشۋگە كومەكتەسەدى, جاعدايدى جاقسارتادى, – دەدى ول.
بيىل Nur Otan پارتياسىنىڭ دەپۋتاتتىق فراكتسياسى قالا تۇرعىندارىنىڭ جاعدايىن جاقسارتۋعا سەپتەسكەن 40-تان استام ماسەلەنى كوتەرگەنىن اتاپ ءوتۋ كەرەك. سونىڭ ىشىندە جارتىسىنان كوبى وڭ شەشىلدى. اتاپ ايتقاندا, زەينەتكەرلەر مەن باسقا دا الەۋمەتتىك ءالجۋاز توپتارعا جاتاتىن ازاماتتارعا گاز قۇنىنىڭ جارتى باعاسىنا وتەماقى بەرۋگە قاۋلىنى قابىلداۋعا كومەكتەستى. فراكتسيا دەپۋتاتتارىنىڭ ۇسىنىسىمەن قالادا ءبىلىم جانە دەنساۋلىق ساقتاۋ نىساندارىن گاز تاراتۋ جەلىلەرىنە قوسۋ ۇدەرىسى باستالدى. جىل سوڭىنا دەيىن 15 نىساندى قوسۋ جوسپارلانىپ وتىر. 6 نىسان كەلەسى جىلى قوسىلادى. بۇعان قوسا, «پريگورودنىي» تۇرعىن الابىن اباتتاندىرۋعا قارجى ءبولۋ ماسەلەسى كوتەرىلدى. مۇمكىندىگى شەكتەۋلى بالالاردى ەرتىپ جۇرەتىن اتا-انالارعا جەڭىلدىكپەن جول ءجۇرۋ ماسەلەسى شەشىلدى.

نۇر-سۇلتان قالاسىنداعى Nur Otan پارتياسىنىڭ سايلاۋ قورىنىڭ قاراجاتىنان تولەندى.