«بارىس» بابىندا تۇر

كونتينەنتالدىق حوككەي ليگاسىندا وينايتىن ەلوردالىق «بارىس» كومانداسى سىرت الاڭدا ءتورت رەت قاتارىنان جەڭىسكە جەتتى.«بارىس» سىرت الاڭدا بەس ويىن قاتارىنان وتكىزىپ كەلدى. ءتورت ويىندا الاڭ يەلەرىن تىزە بۇكتىردى. اتاپ ايتساق, الدىمەن «ءسوچيدى» 4:1 ەسەبىمەن ۇتسا, اراعا ەكى كۇن سالىپ «اۆانگارد» كومانداسىن 3:2 ەسەبىمەن جەڭدى. حەلسينكيدە «يوكەريت» كلۋبىن – 4:2, «تورپەدو» كومانداسىن 4:0 ەسەبىمەن جەڭدى.
وكىنىشكە قاراي, ماسكەۋدە وتكىزگەن سوڭعى ويىندا «سپارتاك» كومانداسىنا 3:1 ەسەبىمەن جول بەرىپ قويدى.ەندى سىرت الاڭدا اتوي سالعان «بارىس» جىل سوڭىنا دەيىنگى ءتورت ويىندى نۇر-سۇلتاندا وتكىزەدى. ەرتەڭ كحل ليدەرى سكا كومانداسىمەن ويناسا, 27 جەلتوقساندا ماسكەۋدىڭ «دينامو», 29 جەلتوقساندا «اۆتوموبيليست», 30 جەلتوقساندا قىتايدىڭ «كۋنلۋن» كوماندالارىمەن كەزدەسەدى.