1 ناۋرىز كۇنى استانالىق «بارىس» كحل اياسىندا وتكەن كەزەكتى كەزدەسۋىندە سانكت-پەتەربوردىڭ «سكا» كومانداسىنا ەسە جىبەرىپ قايتتى.
اق تۇندەر قالاسىندا وتكەن تارتىستى دودانىڭ ءبىرىنشى كەزەڭىندە قوس كوماندا ءبىر-بىرىنەن ايلا اسىرا الماي, 0:0 ەسەبىمەن تەڭ تارقاسقان بولاتىن. ەكىنشى كەزەڭدە «بارىس» حوككەيشىلەرى العاشقى بولىپ جەرگىلىكتى سپورتشىلاردى قاپى قالدىردى. بىراق, ءبىر مينۋت وتپەي جاتىپ-اق قارسىلاستار تارازى باسىن تەڭەستىردى. ىلە-شالا استانالىقتار تاعى دا ەسەپتى ەسەلەپ, سۋىرىلىپ العا شىقتى. كەيىن «سكا» حوككەيشىلەرى تابلوعا 2:2 ەسەبىن جازدى. ماتچتىڭ سوڭعى كەزەڭىندە ايدىن يەلەرى ءبىر شايبامەن «بارىستى» جەرگە قاراتىپ كەتتى.
استانالىق كوماندانىڭ كەلەسى ويىنى 2 ناۋرىز كۇنى چەرەپوۆەتس قالاسىندا «سەۆەرستال» حوككەيشىلەرىمەن بولدى. بىراق وندا دا جولىمىز بولماي, 1:2 ەسەبىمەن ۇتىلىپ قالدىق.
بۇل – «بارىستىڭ» قاتارىنان ءۇشىنشى جەڭىلىسى.
نۇريسلام قۇسپانعالي
