قر پرەزيدەنتiنiڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونiندەگi ۇلتتىق كوميسسياسىنىڭ كەزەكتى وتىرىسى بولىپ ءوتتى
2016 جىلى 27 مامىردا استانا قالاسىندا قازاقستان رەسپۋبليكاسىنىڭ مەملەكەتتىك حاتشىسى گ.ن.ابدىقالىقوۆانىڭ توراعالىعىمەن قازاقستان رەسپۋبليكاسى پرەزيدەنتiنiڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونiندەگi ۇلتتىق كوميسسياسىنىڭ كەزەكتى وتىرىسى بولىپ ءوتتى.
مەملەكەتتىك حاتشى قازاقستان رەسپۋبليكاسىنىڭ پرەزيدەنتى ن.ءا.نازارباەۆ ۇسىنعان «100 ناقتى قادام» – ۇلت جوسپارىن ىسكە اسىرۋ شەڭبەرىندە باستى جالپىۇلتتىق قۇندىلىقتاردى ايقىنداپ بەرگەن «ماڭگىلىك ەل» پاتريوتتىق اكتىسى قابىلدانعانىن اتاپ ءوتتى. گ.ن.ابدىقالىقوۆا قازاقستاننىڭ ايەلدەر قوعامداستىعى «ماڭگىلىك ەل» جالپىۇلتتىق پاتريوتتىق يدەياسىن ىلگەرىلەتۋگە ءوز ۇلەسىن قوساتىنىنا ءۇمىت ءبىلدىردى.
وتىرىستا گەندەرلىك بيۋدجەتتەۋ مەن ونى قازاقستان رەسپۋبليكاسىندا ەنگىزۋدىڭ كەلەشەگى قارالدى. ايتالىق, ۇلتتىق ەكونوميكا مينيسترلىگىنىڭ اقپاراتى بويىنشا گەندەرلىك بيۋدجەتتەۋدىڭ نەگىزگى مىندەتى جەكە ءبىر جىنىستىڭ يگىلىگى ءۇشىن ەمەس, تۇتاستاي حالىققا بيۋدجەتتى جوسپارلاۋ, سونىمەن قاتار ءاربىر وتباسىنىڭ ءومىر ءسۇرۋ دەڭگەيىن ارتتىرۋ بولىپ سانالادى.
بۇگىنگى تاڭدا گەندەرلىك بيۋدجەتتەۋ الەۋمەتتىك دامۋدىڭ 2030 جىلعا دەيىنگى تۇجىرىمداماسىن, ءبىلىم بەرۋدى جانە عىلىمدى دامىتۋدىڭ 2016-2019 جىلدارعا ارنالعان مەملەكەتتىك باعدارلاماسىن, دەنساۋلىق ساقتاۋ سالاسىن دامىتۋدىڭ 2016-2019 جىلدارعا ارنالعان «دەنساۋلىق» مەملەكەتتىك باعدارلاماسىن, جۇمىسپەن قامتۋدىڭ 2020 جول كارتاسىن, بيزنەستىڭ 2020 جول كارتاسىن جانە ت.ب. ىسكە اسىرۋ شەڭبەرىندە ايەلدەردىڭ ىسكەرلىك بەلسەندىلىگىن ارتتىرۋدى, حالىقتى جۇمىسپەن قامتۋدى, انا مەن بالانى الەۋمەتتىك قورعاۋدى كوزدەيتىن شارالاردى ىسكە اسىرۋ ارقىلى ىلگەرى دامۋدا.
وتىرىستا, سونداي-اق ەرلەردىڭ رەپرودۋكتيۆتى دەنساۋلىعىن جاقسارتۋ جونىندەگى شارالار تۋرالى ماسەلەلەر قارالدى. دەنساۋلىق ساقتاۋ جانە الەۋمەتتىك دامۋ مينيسترلىگىنىڭ اقپاراتى بويىنشا قازاقستانداعى ەرلەردىڭ ۇرپاقتى بولۋ جۇيەسى اۋرۋلارى, تىنىس الۋ ورگاندارىنىڭ, قان اينالىم جۇيەسى مەن اس قورىتۋ اۋرۋلارىنان كەيىنگى تارالۋى بويىنشا ءتورتىنشى ورىن الادى. 2015 جىلى ۋرواندرولوگيالىق اۋرۋلاردىڭ 591 مىڭ وقيعاسى تىركەلگەن. بۇگىنگى تاڭدا وسى اۋرۋلاردى انىقتاۋ ءۇشىن ەلىمىزدىڭ بارلىق وڭىرلەرىندە ۋرولوگيالىق جانە اندرولوگيالىق كومەك كورسەتەتىن مەديتسينالىق ۇيىمدار قۇرىلدى, ولاردىڭ شەڭبەرىندە «ەرلەر دەنساۋلىعى مەن وتباسىلىق ۇزاق ءومىر ءسۇرۋ ورتالىقتارى» جۇمىس جاساي باستادى. 2015 جىلى وسى ورتالىقتاردا ەرلەردىڭ ۇرپاقتى بولۋ جۇيەسى اۋرۋلارى بويىنشا 44 606 ەر ازاماتتار تەكسەرۋدەن وتكىزىلدى جانە ەمدەلدى.
سونىمەن قاتار, تۇرمىستىق زورلىق-زومبىلىق قۇرباندارىنا ارنالعان داعدارىس ورتالىقتارىنىڭ جۇمىسى تۋرالى ماسەلە قارالدى. قازاقستان رەسپۋبليكاسىندا 2006-2016 جىلدارعا ارنالعان گەندەرلىك تەڭدىك ستراتەگياسى شارالارىنىڭ ءبىرى قازاقستاننىڭ بارلىق وڭىرلەرىندە داعدارىس ورتالىقتارىن قۇرۋ بولىپ تابىلادى. بۇگىندە رەسپۋبليكادا 28 داعدارىس ورتالىعى, ولاردىڭ 17-دە باسپانالار بار. اتالعان ورتالىقتاردا 2015 جىلى زورلىقتىڭ قۇرباندارىنا كومەك كورسەتۋ ماقساتىندا 211 مامان تارتىلىپ, 16,8 مىڭ ايەلگە كەڭەس بەرىلدى. داعدارىس ورتالىعىنىڭ سەنىم تەلەفونىنا 2015 جىلى 14 مىڭ قوڭىراۋ كەلىپ ءتۇستى, 11,3 مىڭ ايەل وسى ورتالىققا كومەك الۋ ءۇشىن بايلانىسقا شىعىپ, ولاردىڭ 975-ءى باسپانالارعا ورنالاستىرىلعان.
وتىرىس سوڭىندا قازاقستان رەسپۋبليكاسىنىڭ مەملەكەتتىك حاتشىسى گ.ن.ابدىقالىقوۆا قارالعان ماسەلەر بويىنشا مەملەكەتتىك ورگاندارعا بىرقاتار ناقتى تاپسىرمالار بەردى.
