استانا اكىمى باقىت سۇلتانوۆ بەلگيا كورولدىگىنىڭ قازاقستانداعى توتەنشە جانە وكىلەتتى ەلشىسى الەكسي دە كرومبريۋگحەمەن كەزدەستى.
بەلگيا ەلشىلىگى ساۋدا ءبولىمىنىڭ وكىلى 2019 جىلى ەلىمىزدىڭ بىرنەشە ءىرى قالاسىندا جانە استانادا وتەتىن ەكونوميكالىق ميسسياسى تۋرالى ايتىپ بەردى. ولار الداعى جىلى وتەتىن شاراعا بەلگيانىڭ ءۇش ايماعى بىردەي قاتىساتىنىن ايتىپ ءوتتى. ەلشىلىكتىڭ اقپاراتى بويىنشا, ءوندىرىستىڭ ءتۇرلى سالالارىندا ماماندانعان 40-تان استام بەلگيالىق كومپانيا قاتىسادى دەپ كۇتىلۋدە.
سونداي-اق, كەزدەسۋ بارىسىندا بەلگيالىق تەحنولوگيالارىن تارتۋ, قالا نىساندارىنىڭ قاجەتتىلىكتەرى ءۇشىن استانادا ونەركاسىپتىك سۇزگىلەر مەن تازارتۋشى قۇرالداردى شىعاراتىن ءوندىرىس قۇرۋ ماسەلەسى تالقىلاندى.
بۇعان قوسا, تاراپتار ەكولوگيا, سۋمەن جابدىقتاۋ, سۋ بۇرۋ, SMART city تەحنولوگيالارى سالالارىندا ىنتىماقتاستىق ماسەلەلەرىن تالقىلادى.
