استانادا «ەلوردا جاستار سىيلىعى» بايقاۋى جەڭىمپازدارىن ماراپاتتاۋ سالتاناتى ءوتتى.
«رۋحاني جاڭعىرۋ» باعدارلاماسى اياسىندا قولعا الىنعان جوبا فينالىنا 60 قاتىسۋشى شىققان ەدى.
– مەملەكەت باسشىسى 2019 جىلدى جاستار جىلى دەپ جاريالادى. قازىرگى تاڭدا استانا اكىمدىگى جاستار جىلى اياسىندا اۋقىمدى جوبالاردى جۇزەگە اسىرۋ ماقساتىندا «جول كارتاسى» قالالىق باعدارلاماسىن ازىرلەپ جاتىر. جاقىندا قالادا جەتەكشى جاستار ۇيىمدارىمەن وتكەن كەزدەسۋدە كەلەسى جىلى ىسكە اسىرىلاتىن بىرقاتار جوبا مەن باعدارلاما تالقىلاندى.«ەلوردا جاستار سىيلىعى» بايقاۋى ەلورداداعى جاستاردى قولداۋعا باعىتتالعان, – دەدى ماراپاتتاۋ راسىمىندە استانا اكىمىنىڭ ورىنباسارى ەرمەك امانشاەۆ.
ءارتۇرلى اتالىمداردا جۇزدەن جۇيرىك, مىڭنان تۇلپارلار انىقتالدى. «جىل جاڭالىعى» – اسىلحان تولەپوۆ, «ەسترادا» – گۇلميرا يسىمباەۆا, «عىلىم» – ايان نۇركەش, «قازىرگى زامانعى ونەر» – قانات نۇرتازين, «جۋرناليستيكا» – ءامىر سامەنبەتوۆ, «الەۋمەتتىك بەلسەندى» – ايگەرىم كوكەەۆا, «سپورت» – ءىلياس فاتكۋلين, «تەاتر» – شەحنازا كىزىحانوۆا, «كينو» – ارمان قايىرجان, «ۇكىمەتتىك ەمەس ۇيىم» – باقداۋلەت جاندىلداەۆ, «ۇزدىك ءوندىرىس قىزمەتكەرى» – دانيار تاڭاتوۆ, «ۇزدىك الەۋمەتتىك قىزمەتكەر» – قۋانىش جاعالباەۆا, «جىل ەرىكتىسى» – ماقسات جولدىباي, «ۇزدىك SMM مەنەدجەر» – التىنبەك كەرەشەۆ, «ونەرگە قوسقان ۇلەسى ءۇشىن» – مارگاريتا پوپوۆا, «ەرلىك ءۇشىن» – باقتيار ءىلياسوۆ.
