ەلوردادا تاۋەلسىزدىك كۇنىنە وراي «استانا-تەحنوپوليس» ارنايى ەكونوميكالىق ايماعىنىڭ باسشىسى باقىتجان دوسقازيەۆ №1 يندۋستريالىق پاركتىڭ وندىرىستىك كاسىپورىندارىن ارالاپ, ۇزدىك قىزمەتكەرلەردى العىس حاتتارمەن ماراپاتتادى.
بۇگىندە «استانا-تەحنوپوليس» ارنايى ەكونوميكالىق ايماعىنىڭ قۇرامىندا 51 كاسىپورىن بار, 4300 مامان قىزمەت ەتەدى. الداعى ۋاقىتتا تاعى 30 زاۋىت اشىلادى.
«بۇگىن قالا اكىمدىگىنىڭ اتىنان يندۋستريالىق ايماقتىڭ ءىرى مەكەمەلەرىنىڭ ماماندارىن ارنايى العىس حاتتارمەن ماراپاتتاپ جاتىرمىز. ەلىمىزدىڭ دامۋى ءۇشىن قاراپايىم جۇمىسشىلاردىڭ ەڭبەگى وراسان. بۇگىن №1 يندۋستريالىق پاركتىڭ 10 كاسىپورنىن قۇتتىقتادىق. اتاپ ايتقاندا, «قازاقستان پاراماۋنت ينجينيرينگ», «لوكوموتيۆ قۇراستىرۋ زاۋىتى», «قازاقستان اسەلسان ينجينيرينگ, «Selena Insulations, «Avalon-K» جيھاز جاساۋ زاۋىتى, «Astana يۋتاريا LTD» كيىم تىگەتىن كاسىپورىن, «STAHLBAU» مەتالل قۇرىلىم زاۋىتى جانە باسقالارىنا باردىق. جالپى, قالانىڭ 80 پايىز ءوندىرىسىن ارنايى ەكونوميكالىق ايماق قۇرامىنداعى كاسىپورىندار قامتىپ وتىر» دەيدى ب.دوسقازيەۆ.
«STAHLBAU» مەتالل قۇرىلىم زاۋىتىنىڭ ديرەكتورى الماز مىڭجاساروۆتىڭ ايتۋىنشا, جىل سوڭىنا دەيىن 50 اۋىر اۆتوكولىك شىعارىلادى. ونىڭ 18-ءى – رەسەيگە, 12-ءسى قىرعىزستانعا ەكسپورتتالادى ەكەن.
«كوممۋنالدىق كولىك تۇرلەرىن قۇراستىرۋ مەن بولشەكتەرىن جاساپ شىعارۋمەن اينالىسامىز. وتكەن جىلدان بەرى ءبىزدىڭ زاۋىتتا قۇراستىرىلعان 10 اۋىر اۆتوكولىك قالا يگىلىگىنە قىزمەت ەتۋدە. اۆتوموبيل بولشەكتەرىن قۇراستىرىپ, ساتىلىمعا شىعارعانشا 2 كۇن كەتەدى, ورتاشا باعاسى – 45 ميلليون تەڭگە. كۇنىنە كاسىپورىندا 30-دان اسا اۆتوكولىك جاسالادى. قازىرگى تاڭدا تاۋارعا سۇرانىس از بولعاندىقتان, ايىنا 20-30 كولىك قۇراستىرۋمەن شەكتەلىپ وتىرمىز. كاسىپورىندا 37 مامان بار. قىزمەتكەرلەردىڭ ەڭبەگىن ەسكەرىپ, ايتۋلى كۇنمەن قۇتتىقتاۋىن جولداعان قالا اكىمدىگىنە العىس بىلدىرەمىز» دەدى زاۋىت جەتەكشىسى.
نايما نۇرالىقىزى
