تاۋەلسىزدىك كۇنى قارساڭىندا ءبىر توپ ەلوردالىق دارىگەرلەر, مۇعالىمدەر, الەۋمەتتىك سالا قىزمەتكەرلەرى, ەڭبەك ارداگەرلەرى مەملەكەتتىك ناگرادالارعا يە بولدى. ماراپات يەلەرىن ەلوردا اكىمى التاي كولگىنوۆ قۇتتىقتادى.
«بۇگىن مەملەكەتتىك ناگراداعا يە بولعان ازاماتتار ەلوردانىڭ كوشىرىلۋىنىڭ العاشقى جىلدارىندا حالىق سانىنىڭ جىلدام ءوسۋىن ەسكەرە وتىرىپ, قالانى جىلۋمەن, جارىقپەن جانە سۋمەن قامتاماسىز ەتتى. مەديتسينانىڭ دامۋىنا زور ۇلەس قوسقان, ۇلتتىق نەيروحيرۋرگيا ورتالىعىندا ىندەتتىڭ تارالۋىنا جول بەرمەۋ جونىندەگى شتابتىڭ جۇمىسىن ۇيىمداستىرعان م.شايداروۆ «پاراسات» وردەنىمەن ماراپاتتالدى. ءبىلىم بەرۋ, مەديتسينا, قۇرىلىس سالاسىنداعى ارداگەرلەر «قۇرمەت» وردەنىمەن, ونداعان جىلدار بويى جەو-دا, «استانا-ەنەرگيا» جانە ت. ب. ستراتەگيالىق نىسانداردا ەڭبەك ەتكەن قىزمەتكەرلەر «III دارەجەلى ەڭبەك داڭقى» وردەنىمەن ماراپاتتالدى. سونداي-اق قالا مەن ەلدىڭ قالىپتاسۋى مەن دامۋىنا ۇلەس قوسقاندار بىرقاتار ازاماتتار «ەرەن ەڭبەگى ءۇشىن», «شاپاعات» مەدالدارىمەن جانە قۇرمەت گراموتالارىمەن ماراپاتتالدى» دەپ جازدى قالا باسشىسى الەۋمەتتىك جەلىدەگى پاراقشاسىندا.
قالا باسشىسى ماراپات يەلەرىنە زور دەنساۋلىق, جەمىستى ەڭبەك تىلەپ, الداعى مەرەكەمىز – تاۋەلسىزدىك كۇنىمەن قۇتتىقتادى.
