كەشە استانادا تمد جانە ورتا ازيا ەلدەرى اراسىنداعى تۇڭعىش رەت جاھاندىق مانگە يە حالىقارالىق ءبىلىم جانە كاسىبي دايارلىق تەحنولوگيالارى كورمەسى ءوز مارەسىنە جەتتى. «WORLDDIDAC ASTANA 2012» اتتى كورمەنى قر ءبىلىم جانە عىلىم مينيسترلىگى مەن «Worlddidac» قاۋىمداستىعى بىرلەسە وتىرىپ ۇيىمداستىرعان. اتالمىش كورمەنى وتكىزۋ تۋرالى مەموراندۋمعا وتكەن جىلدىڭ قىركۇيەگىندە قول جەتكىزىلگەن ەدى.
كورمەگە الەمنىڭ تۇكپىر-تۇكپىرىنەن 25 ەلدىڭ 150-دەن اسا كومپانياسى قاتىسۋعا مەيلىنشە ىنتالى ەكەندىگىن كورسەتتى. كورمەگە وقۋلىقتار جازاتىن, وقۋ وردالارىن قاجەتتى قۇرىلعىلارمەن جابدىقتايتىن, اقپاراتتىق تەحنولوگيالاردى ويلاپ تاباتىن ءىرى كومپانيالار قاتىستى. ۇلكەن جەتىستىكپەن وتكەن كورمەنىڭ ەكسكليۋزيۆتى سەرىكتەسى اعىلشىندىق «F&E» كومپانياسى بولدى. ول دۋبايدا وتەتىن حالىقارالىق «GESS» كورمەسىنىڭ ۇيىمداستىرۋشىسى رەتىندە الەمدىك ارەنادا اسا تانىمال.
بۇگىنگى تاڭدا ەلىمىزدە ءبىلىم سالاسىنا نەگىزگى باسىمدىق كورسەتىلىپ جاتقانى بەلگىلى. سوڭعى جىلدارى قازاقستاندا زاماناۋي جانە جاڭا تەحنولوگيالارعا كوپ ءمان بەرىلە باستادى. ونىڭ بىردەن-ءبىر دالەلى – جىل سايىنعى ونداعان ميلليونعا ساتىپ الىناتىن وقۋ قۇرالدارى. ال بيىل بۇل سوما ەكى ميللياردتان اسىپ وتىر. سوندىقتان كورمە ەكسپوناتتارىنا دەگەن قىزىعۋشىلىق وتە زور بولدى.
كورمە اياسىندا ءتۇرلى تۇساۋكەسەرلەر, سەمينارلار, ديسكۋسسيالار بولدى. ورتاق تاقىرىپ – ءبىلىم سالاسىنداعى سونى جاڭالىقتار.
شىنار ءابىلدا
