تاۋەلسىزدىك كۇنىنە وراي ەلوردادا BINOM مەكتەپتەرى اشىلۋدا. كەشە قر پرەمەر-ءمينيسترىنىڭ ورىنباسارى ەرالى توعجانوۆ پەن نۇر-سۇلتان قالاسىنىڭ اكىمى التاي كولگىنوۆ جانە BI Group كومپانياسىنىڭ وكىلدەرى BINOM SCHOOL SARYARQA جاڭا وقۋ ورنىنا باردى.
BINOM SCHOOL-دىڭ وزگەشەلىگى – تەگىن وقىتۋ, تاربيەگە ەرەكشە كوڭىل ءبولۋ. وقىتۋ ءتاسىلى وتاندىق مودەلمەن قاتار فينليانديا, وڭتۇستىك كورەيا, ۇلىبريتانيانىڭ وزىق حالىقارالىق جۇيەسىنىڭ نەگىزىندە ۇيىمداستىرىلعان. BINOM-نىڭ مۇعالىمدەرى بالالاردى ۇلى ويشىل ءابۋ ناسىر ءال-فارابي بابامىزدىڭ ەڭبەكتەرىنە نەگىزدەلگەن اmanat تۇجىرىمداماسىنا – قۇرمەت, قامقورلىق, جاۋاپكەرشىلىك, ەڭبەكسۇيگىشتىك, دامۋ قاعيداتىنا سايكەس تاربيەلەيدى.
بۇل – BI Group قۇرىلىس حولدينگى مەن نۇر-سۇلتان قالاسى اكىمدىگى اراسىنداعى مەملەكەتتىكجەكەمەنشىك ارىپتەستىك تەتىگى ارقىلى سالىنعان بىرەگەي مەكتەپ.
Nova City ىقشام اۋدانىنداعى العاشقى مەكتەپ بيىل 1 قىركۇيەكتە وقۋشىلاردى قابىلدادى. تاعى ءۇش نىسان – بايتۇرسىنوۆ كوشەسى (Saryarqa), Capital Park (Tanym) تك جانە جاعالاۋ (Turan) شاعىن اۋدانىندا جۇمىسىن وسى اكادەميالىق جىلدىڭ ءۇشىنشى توقسانىنان باستايدى. اتالعان اۋداندار وقۋشى ورىندارىنىڭ ناقتى تاپشىلىعىن ەسكەرە وتىرىپ, قالالىق بيلىكپەن بىرلەسىپ تاڭدالعان.
«2021 جىلى نۇر-سۇلتاندا 15 مەكتەپ سالىندى, بۇل 40 مىڭعا جۋىق وقۋشىنى قامتۋعا مۇمكىندىك بەردى. تاۋەلسىزدىك كۇنىن مەرەكەلەۋ قارساڭىندا ەلوردادا 20 مىڭنان استام وقۋشىعا ارنالعان 7 مەكتەپ اشىلادى. وسى مەكتەپتەردى اشقاننان كەيىن ءبىز 5 ءۇش اۋىسىمدى مەكتەپتىڭ جانە 10 نورمادان تىس وقيتىن مەكتەپتەردىڭ ماسەلەسەسىن شەشەمىز» دەدى قالا اكىمى التاي كولگىنوۆ.
BINOM مەكتەپتەرىنىڭ مىندەتى – قازاقستاندىقتارعا حالىقارالىق ستاندارتتارعا سايكەس كەلەتىن, تەگىن نەگىزدە ساپالى ءبىلىم بەرۋ, سونداي-اق نۇر-سۇلتان مەن ەلىمىزدىڭ باسقا دا وڭىرلەرىندەگى ءۇش اۋىسىمدى مەكتەپتەردىڭ جۇمىسىن جەڭىلدەتۋ. ءار مەكەمە ەكى اۋىسىمدا 4 مىڭ بالاعا ەسەپتەلگەن. وسىلايشا BINOM جەلىسى اشىلۋىنىڭ ارقاسىندا 16 مىڭ وقۋشى جاڭا ورىندارمەن قامتاماسىز ەتىلەدى.
مەكتەپتەرگە قابىلداۋعا ءوتىنىم mektep.snation.kz سايتىندا جۇزەگە اسىرىلادى. وقۋشىلار تۇرعىلىقتى جەرى بويىنشا مەكەمەلەرگە قابىلدانادى. BINOM SCHOOL تۋرالى تولىق اقپاراتتى سايتتان الۋعا بولادى: www.binom.edu.kz
