تاۋەلسىزدىككە قول جەتكىزگەن العاشقى جىلداردان باستاپ ەلىمىزدە تاتۋلىق پەن كەلىسىمدى دامىتىپ, ەل قاۋىپسىزدىگى مەن بەيبىتشىلىگىن قورعاۋ, ەتنوسارالىق جانە كونفەسسياارالىق تۇراقتىلىق پەن ىنتىماقتى, كەلىسىم مەن تىنىشتىقتى ساقتاۋ ىسىنە ءجىتى كوڭىل ءبولىنىپ كەلەدى. سوندىقتان بولار, سەنىمى مەن كوزقاراسى ءارالۋان ۇلت پەن ۇلىس وكىلدەرى تاتۋ-ءتاتتى, بەرەكەلى ءبىرلىكتە ءومىر سۇرۋدە. ەلىمىزدەگى بۇل جاعدايدى الەمگە تانىلعان مەملەكەتتەر ەتنيكالىق ۇيلەسىمدىكتىڭ قازاقستاندىق ۇلگىسى دەپ جوعارى باعالادى.
بۇگىندە ءتىلى مەن ءدىلى, ءدىنى مەن سالت-ءداستۇرى ءارتۇرلى كوپ ۇلتتاردىڭ ءبىر شاڭىراق اياسىندا تاتۋ ءتاتتى ءومىر ءسۇرۋى – ەل بىرلىگىنىڭ ايعاعى. ىنتىماق پەن دوستىقتى قادىرلەپ, تاتۋلىق سالتىن تۋ ەتكەن بەيبىت حالقىمىز وسى ۋاقىت ارالىعىندا شەكسىز تابىستارعا قول جەتكىزىپ قانا قويماي, نەبىر ۇلتتار مەن ۇلىستاردىڭ باسىن قوستى. پرەزيدەنت مەملەكەتىمىزدىڭ تۇراقتى ءارى قارقىندى دامۋى وڭتايلى ساياسات پەن وسى بىرلىكتىڭ ارقاسى ەكەنىن ايتىپ, ۇلتتار دوستىعىنىڭ تامىرى تەرەڭ, ءتىنى بەرىك بولارىنا ۇلكەن سەنىم ءبىلدىردى.
قازاقستانداعى اۋىزبىرشىلىك پەن كەلىسىمنىڭ, تۇراقتىلىق پەن تىنىشتىقتىڭ شاڭىراعى – قازاقستان حالقى اسسامبلەياسى قازىرگى كۇنى ەتنوسارالىق قارىم-قاتىناستى دامىتۋدىڭ ىرگەلى ينستيتۋتىنا اينالا ءبىلدى. قۇرىلعان كۇننەن باستاپ دەموكراتيالىق قوعامنىڭ نەگىزىن قالاۋشى قۇندىلىقتاردى دامىتىپ كەلەدى. جالپى, ەلىمىزدە 800-دەن استام ەتنومادەني بiرلەستiك قۇرىلسا, ونىڭ وتىزعا جۋىعى رەسپۋبليكالىق دارەجەدەگi ۇيىم بولىپ سانالادى. ەلوردادا قۇرىلعان ەتنومادەني بىرلەستىكتەر رەسپۋبليكامىزدى مەكەندەيتىن ۇلتتاردىڭ سالت-داستۇرلەرى مەن تاريحىن جانە مادەنيەتىن ناسيحاتتاپ كەلەدى. جاس ۇرپاقتى تاعاتتىلىققا جانە ۇلتارالىق ىنتىماققا تاربيەلەۋ ىسىندە نەمىس, پولياك, كورەي, تاتار-باشقۇرت, ۋكراين, شەشەن-ينگۋش, قىرعىز, ازەربايجان, ارميان جانە ت.ب ۇلتتاردىڭ جەكسەنبىلىك مەكتەپتەرىنىڭ ماڭىزى زور. تiلi مەن مادەنيەتiن دامىتۋ مۇمكiندiگىنە يە بولىپ وتىرعان وزگە ۇلت وكىلدەرى ءوز كەزەگىندە قازاق حالقىنىڭ مادەنيەتىنە, تاريحىنا ىقىلاس تانىتۋدا. ايتالىق, ۇلتتىق ماسەلەنiڭ وزەكتiسi تiل دەسەك, مەملەكەتتiك تiلگە ەرەكشە قولداۋ تانىتىپ, شىن نيەتiمەن ۇيرەنىپ جۇرگەن ۇلت وكiلدەرi استانادا ءجيى كەزدەسەدى. بۇگiندە كەز كەلگەن بiرلەستiك قازاق تiلiنiڭ قاجەتتiلiگiن تۇسiنەدi. قۇرىلعانىنا 20-25 جىل بولعان ەتنومادەني بiرلەستiكتەردiڭ iشiندە قازاق تىلىندە ەركىن سويلەيتىندەر جەتىپ ارتىلادى. بۇل رەتتە استانا قالاسى قازاقستان حالقى اسسامبلەياسى ەتنومادەني بiرلەستiكتەردiڭ ىنتىماعىن نىعايتىپ قانا قويماي, جۇكتەلگەن مىندەتتەرگە بارىنشا جاۋاپتىلىق تانىتىپ كەلەدى.
ەلباسىمىزدىڭ «قازاقستانداعى قوعامدىق كەلىسىم, ەڭ الدىمەن, قازاقتىڭ كەلىسىمى ەكەنىن مىقتاپ ەستە ۇستاعان ابزال. تاتۋلىق پەن تۇراقتىلىق ەل يەسى رەتىندە ەڭ الدىمەن قازاققا كەرەك. قازاقتىڭ ىنتىماعى مەن بىرلىگى مىقتى بولمايىنشا, مەملەكەتتىڭ تۇتاستىق كەلبەتىن ساقتاۋ مۇمكىن ەمەس. حالقىمىز «تار جەردە تابىسقان, كەڭ جەردە كەلىسەدى» دەمەيتىن بە ەدى؟! ەڭ تار زامانداردا قازاق قۇشاعىنا العان وزگە ەتنوس وكىلدەرى بۇگىندە ءوز باۋىرلارىمىز اتانىپ, بىزبەن ءبىر حالىققا اينالدى» دەگەنى ەسىمىزدە. ويتكەنى, ۇرپاقتان ۇرپاققا اۋىسىپ كەلە جاتقان ءداستۇر مەن ساباقتاستىق ارقىلى قوعامداعى اۋىزبىرشىلىك پەن تۇراقتىلىقتى نىعايتۋ – ەلىمىزدى وركەندەتۋ جولىنداعى باستى قىزمەت.
