تىڭ يگەرۋشىلەردىڭ دەنساۋلىق ساقتاۋ ماسەلەلەرىن شەشۋ ءۇشىن قازاقستان كوممۋنيستىك پارتياسىنىڭ ورتالىق كوميتەتى قاۋلىسىمەن تىڭ ولكەلىك كوميتەتى مەن ەڭبەكشىلەر دەپۋتاتتارىنىڭ ولكەلىك كەڭەسىنىڭ اتقارۋ كوميتەتى 1964 جىلى 9 ساۋىردە «تسەلينوگراد قالاسىندا مەديتسينالىق ينستيتۋت اشۋ تۋرالى» شەشىم قابىلدادى.
ءسويتىپ 1964-1965 وقۋ جىلىندا تسەلينوگراد قالاسىندا جىل سايىن 300 ستۋدەنت قابىلدايتىن مەديتسينالىق ينستيتۋت اشىلادى. ينستيتۋتتىڭ العاشقى رەكتورى بولىپ اكادەميك, ەلىمىزگە تانىمال عالىم ستانيسلاۆ دميتريەۆيچ پولەتاەۆ تاعايىندالدى. ول بۇل جوعارى وقۋ ورنىن 1964 جىلدان 1970 جىلعا دەيىن باسقاردى. ونىڭ باستاماسىمەن سول كەزدە ينستيتۋتتىڭ بارلىق نەگىزگى كافەدرالارى قۇرىلدى.
ال 1966-1970 جىلدارى تيپتىك مەديتسينالىق ينستيتۋت كەشەنى سالىنىپ, قالالىق اۋرۋحانالار پايدالانۋعا بەرىلە باستادى.
سۋرەتتە تسەلينوگراد مەملەكەتتىك مەديتسينا ينستيتۋتىنىڭ عيماراتى. 1971 جىلدىڭ تامىز ايى.
عازيزا يساحان
فوتوسۋرەت قر ۇلتتىق مۋزەيىنىڭ قورىنان الىندى.
