وتكەن اپتانىڭ سوڭىندا قازاقستان پرەمەر-ليگاسىنىڭ ەكىنشى تۋرى ءوتتى. العاشقى اينالىمدا ۇپاي جوعالتقان چەمپيونداردىڭ بۇل جولى دا ءالى بابىنا كەلمەگەنىن بايقادىق. دەگەنمەن «استانا» كومانداسى بۇل تۋردا ءبىر ۇپاي ەنشىلەدى.
«استانا» مەن «ەرتىس» اراسىنداعى ماتچ كەزەكتى تۋردىڭ ورتالىق ويىنىنا بالاندى. ەلوردالىقتار ويىن باستالىسىمەن العا ۇمتىلىپ, داۆيد لوريا كۇزەتكەن قاقپانىڭ ماڭايىن تورۋىلدادى. مۇنداي شابۋىلدار 14-مينۋتتا ناتيجەسىن بەردى. دجۋنيور كابانانگادان ءساتتى پاس العان سەرىكجان مۋجيكوۆ ەسەپ اشتى. بۇل گول «استانانىڭ» بارلىق تۋرنيرلەر بويىنشا سوعىلعان 500-ءىنشى دوبى بولدى.
الاڭ يەلەرى ەسەپتى ءبىرىنشى تايمدا-اق تەڭەستىرىپ تاستادى. بۇرىشتامادان كوتەرىلگەن دوپتى الەكساندر موكيننىڭ قاقپاسىنا «ەرتىستىك» ەۆگەني تكاچۋك ءدال باعىتتادى. ەسەپ – 1:1. ماتچتىڭ قالعان بولىگىندە ەسەپ ەسەلەنبەي, ناتيجە ويىننىڭ سوڭىنا دەيىن ساقتالىپ قالدى.
قپل-دىڭ باسقا ماتچتارى دا قىزىقتى ءوتتى. چەمپيوندىقتان ۇمىتكەر «قايرات» تا بۇل تۋردا ۇپاي جوعالتتى. ولار كوكشەتاۋلىق «وقجەتپەسپەن» تەڭ وينادى.
بۇل تۋردىڭ جاڭالىعى «قايسار» كومانداسىنىڭ تۋرنير كەستەسىندە كوش باستاۋى بولدى. ولار «تاراز» كومانداسىمەن كەزدەسىپ, ۇپايىن ەسەلەي ءتۇستى. قىزىلوردالىقتار الدىمەن گول جىبەرىپ الىپ, ارتىنشا تەڭەستىرىپ كەتتى. ال جەڭىستى گولدى 72-مينۋتتا
سايدي نتيبازونكيزا سوقتى.
ورىنبەك وتەمۇرات
