دەنى ساۋدىڭ – جانى ساۋ

جىل سايىن «استاناەنەرگوسەرۆيس» اق ۇيىمداستىرۋىمەن كوممۋنالدىق شارۋاشىلىق قىزمەتكەرلەرى اراسىندا اشىق سپارتاكيادا تۇراقتى ءوتىپ تۇرادى.

بيىلعى جىلى ەل تاۋەل­سىزدىگىنىڭ 25 جىلدىعىنا ار­نالعان سايىسقا «استاناەنەرگوسەرۆيس», «استانا-تەپلوترانزيت», «استانا-ەنەرگيا», «استانا-رەك» اكتسيونەرلىك قوعامدارى مەن «استاناسترويەنەرگو», «استانا قالالىق جارىق» جشس جانە «استانا سۋ ارناسى» مەملەكەتتىك كوممۋنالدى كاسىپورنى اتىنان 7 كوماندا قاتىسىپ وتىر. كوماندا مۇشەلەرى ۆولەيبول, ميني-فۋتبول, ۇستەل تەننيسى, شاحمات, دويبى, بيليارد سياقتى سپورت تۇرلەرىنەن باسەكەلەسىپ, سونىمەن بىرگە قىسقى بالىق اۋلاۋمەن دە جارىسقا تۇسپەك. سپارتاكيادا 14 جەلتوقسانعا دەيىن جالعاسادى. استانا قالاسى ءماسليحات دەپۋتاتى ەر­كەعالي ەسەنجولوۆ سپورت شاراسىن وتكىزۋ بويىنشا ۇيىم­داستىرۋ كوميتەتىنىڭ توراعاسى بولىپ تابىلادى. جاستار اراسىنداعى سپورت جارىسى بيىلعى قىركۇيەكتە №25 سايلاۋ وكرۋگى بويىنشا دا 12 مەكتەپ وقۋشىلارىنىڭ قاتىسۋىمەن وتكەن ەدى. جارىس ءماسليحات دەپۋتاتىنىڭ سايلاۋ وكرۋگى بولىپ تابىلاتىن «ينتەرناتسيونالنىي» تۇرعىن الابىنداعى №44 مەكتەپتە ءوتتى. جارىس قورىتىندىسىندا جەڭىمپاز ورەندەرگە 9 كۋبوك پەن 40 مەدال جانە 40 العىس حاتتار تابىس ەتىلدى.
وسى وكرۋگتىڭ تۇرعىندارى اراسىندا دا ۇستەل تەننيسىنەن وتكەن تۋرنيرگە 12 ارداگەر قا­تىسىپ, ءبىرىنشى ورىندى ەرلەر اراسىندا ت.مادەنوۆ السا, ايەلدەر اراسىنان م.قارا­­كوزوۆا جەڭىپ شىقتى. جەڭىم­پازدارعا باعالى سىي­لىقتار بە­رىلىپ, ەڭ باس­تىسى, سالاۋاتتى ءومىر سالتىن ناسيحاتتاۋعا ات­سالىسقان ازا­ماتتارعا دەپۋتات ءوز اتىنان العىس ءبىلدىردى.

ايگۇل ۋايسوۆا