بۇل رەتتە قانداي دا ءبىر قۇرىلىس-مونتاجداۋ جۇمىستارىن باستاماس بۇرىن «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى نۇر-سۇلتان قالاسى ساۋلەت, قالا قۇرىلىسى جانە جەر قاتىناستارى باسقارماسىنان رۇقسات الۋ كەرەك. ول 15 جۇمىس كۇنى ىشىندە بەرىلەدى. رۇقسات ەتىلمەگەن جاعدايدا ازاماتقا بۇل تۋرالى بەس جۇمىس كۇنى ىشىندە حابارلانادى.
1.قادام
حالىققا قىزمەت كورسەتۋ ورتالىعىنا بارىڭىز. «قۇرىلىس جانە قايتا جاڭارتۋ جوبالارىن ازىرلەۋ كەزىندە باستاپقى ماتەريالداردى ۇسىنۋ (تىرەۋ جانە قورشاۋ كونسترۋكتسيالارىن, ينجەنەرلىك جۇيەلەر مەن جابدىقتاردى وزگەرتۋگە بايلانىستى ءۇي-جايلاردى, قولدانىستاعى عيماراتتاردىڭ جەكەلەگەن بولىكتەرىن قايتا جوسپارلاۋ, قايتا جابدىقتاۋ») مەملەكەتتىك قىزمەتى ستاندارتىنىڭ 4-قوسىمشاسىنا سايكەس نىسان بويىنشا باستاپقى ماتەريالداردى جانە تەحنيكالىق شارتتاردى ۇسىنۋ تۋرالى ءوتىنىشتى (2-ستاندارت) تولتىرىڭىز.
وزىڭىزبەن بىرگە مىنا قۇجاتتار بولۋى ءتيىس:
• جەكە باستى كۋالاندىراتىن قۇجات;
• پاتەر يەلەرىنىڭ (تەڭ مەنشىك يەلەرىنىڭ) بەلگىلەنىپ وتىرعان وزگەرىس پەن ونىڭ پارامەترلەرىنە جازباشا كەلىسىمى;
• پاتەرلەردىڭ تەحنيكالىق پاسپورتتارى;
• بولجانىپ وتىرعان وزگەرىستەر جوسپارى بار تەحنيكالىق جوبا (ونى ليتسەنزياسى بار جەكە جوبالاۋشىلار جاسايدى).
ەگەر جوسپارلاۋدى وزگەرتۋ جونىندەگى جوبالىق شەشىم قۇرىلىس نورمالارى مەن ەرەجەلەرىنە سايكەس كەلسە, قابىلدانعان قۇجاتتار بەكىتىلگەن تىزبەگە سايكەس كەلسە, ساۋلەت باسقارماسى شەشىم دايىندايدى. شەشىم شىعارۋ حالىققا قىزمەت كورسەتۋ ورتالىعى ارقىلى جۇزەگە اسىرىلادى.
2.قادام
2-ستاندارت شەڭبەرىندە بەرىلگەن شەشىم تۋرالى قالالىق ورتانىڭ ساپاسى جانە باقىلاۋ باسقارماسىنا (قۇرىلىس-مونتاج جۇمىستارىن جۇرگىزۋدىڭ باستالۋى تۋرالى) حابارلاۋ قاجەت.
3.قادام
بىرىكتىرىلگەن پاتەردىڭ جاڭا تەحنيكالىق پاسپورتىنا تاپسىرىس بەرۋ ءۇشىن حالىققا قىزمەت كورسەتۋ ورتالىعىنا حابارلاسىڭىز.
وزىڭىزبەن بىرگە مىنا قۇجاتتاردى اپارىڭىز:
• كورسەتىلەتىن قىزمەتتى الۋشىنىڭ نەمەسە ونىڭ ۋاكىلەتتى وكىلىنىڭ جەكە كۋالىگى;
• كورسەتىلەتىن قىزمەتتى الۋشى وكىلىنىڭ وكىلەتتىگىن راستايتىن قۇجاتتىڭ كوشىرمەسى;
• جىلجىمايتىن مۇلىك نىسانىنا قۇقىق بەلگىلەيتىن قۇجاتتار;
• قولدا بار تەحنيكالىق پاسپورتتىڭ جانە/نەمەسە جەر ۋچاسكەسىنە سايكەستەندىرۋ قۇجاتىنىڭ قوسىمشاسىمەن قوسا بەرىلگەن شەشىم;
• تولەمدى (2465 تەڭگە) راستايتىن قۇجات.
4.قادام
تەحنيكالىق پاسپورتتى العاننان كەيىن پايدالانۋعا بەرۋ اكتىسىن راسىمدەڭىز. اكتىلەر نىساندارىن www.saulet.astana.kz سايتىنان كورە الاسىز.
5.قادام
حالىققا قىزمەت كورسەتۋ ورتالىعىنا تىركەۋ ءۇشىن اتالعان مەكەمەگە بارىپ, پايدالانۋعا بەرۋ اكتىسىن (2 دانا), وزگەرتۋلەرى بار تەحنيكالىق پاسپورتتى, كۋالىكتىڭ تۇپنۇسقاسىن ءۇش كۇنگە تاپسىرىڭىز. تولەم سوماسى – 530 تەڭگە.
