ەلباسى نۇرسۇلتان نازارباەۆ مەملەكەت قايراتكەرى, بۇرىنعى دەنساۋلىق ساقتاۋ ءمينيسترى ساليدات قايىربەكوۆانىڭ قايتىس بولۋىنا بايلانىستى مارقۇمنىڭ جاقىندارى مەن تۋىستارىنا كوڭىل ايتۋ جەدەلحاتىن جولدادى.
بۇل تۋرالى اقوردانىڭ ءباسپاسوز قىزمەتى حابارلادى.
نۇرسۇلتان نازارباەۆ بەلگىلى مەملەكەت قايراتكەرى س.قايىربەكوۆانىڭ مەزگىلسىز قايتىس بولۋىنا بايلانىستى اۋىر قايعىعا ورتاقتاسا وتىرىپ, ونىڭ جاقىندارى مەن تۋىستارىنا كوڭىل ايتتى. سونداي-اق قازاقستاننىڭ دەنساۋلىق ساقتاۋ جۇيەسىن رەفورمالاۋ ىسىنە س.قايىربەكوۆانىڭ زور ۇلەس قوسقانىن اتاپ ءوتتى.
«ساليدات قايىربەكوۆا ءوز ەلىنىڭ جوعارى بىلىكتى مامانى ءارى لايىقتى ازاماتى رەتىندە قاراپايىم دارىگەردەن باستاپ, دەنساۋلىق ساقتاۋ ءمينيسترى لاۋازىمىنا دەيىن ۇلكەن ەڭبەك جولىنان ءوتتى. تەرەڭ ءبىلىمى مەن باي تاجىريبەسىنىڭ ارقاسىندا حالىققا زاماناۋي تالاپتارعا ساي مەديتسينالىق قىزمەت كورسەتۋ ساپاسىن ارتتىرۋ ىسىنە قوماقتى ۇلەس قوسىپ, تاريحتا ءىز قالدىردى. ەگەر اۋىر ناۋقاسى بولماسا, ول وتانىمىزدىڭ يگىلىگى ءۇشىن ءالى كوپ نارسە جاسار ەدى», – دەلىنگەن جەدەلحاتتا.
