جارتىلاي ورتا سالماق دارەجەسىندە سىنعا ءتۇسىپ جۇرگەن وليمپيادا ويىندارىنىڭ چەمپيونى دانيار ەلەۋسىنوۆ كاسىپقوي بوكستا IBO تۇجىرىمى بويىنشا الەم چەمپيونى اتاندى.
وتكەن سەنبى كۇنى ەلورداداعى جاقسىلىق ۇشكەمپىروۆ اتىنداعى جەكپە-جەك سارايىندا وتكەن كاسىپقوي بوكس كەشىندەگى ەڭ باستى ايقاس قازاقستاندىق دانيار ەلەۋسىنوۆ پەن ارگەنتينالىق حۋان ەرنان لەال اراسىندا ءوتتى. ون ەكى راۋدتىق جەكپە-جەك بارىسىندا جەرلەسىمىز قارسىلاسىنىڭ ادىمىن اشتىرماي, ءوزىنىڭ شەبەرلىگىن دالەلدەپ شىقتى.
دانيار ەلەۋسىنوۆ تورەشىلەردىڭ ءبىراۋىز شەشىمىمەن ارگەنتينالىق بوكسشىنى ۇپاي سانىمەن جەڭىپ, IBO تۇجىرىمى بويىنشا الەم چەمپيونى اتاعىن جەڭىپ الدى.
«ەل تاۋەلسىزدىگىنىڭ 30 جىلدىعىنا وراي ۇيىمداستىرىلعان بوكس كەشى ءوز مارەسىنە جەتتى. قولداۋ كورسەتكەن جانكۇيەرلەرگە العىسىم زور. ەندىگى باستى ماقسات – جارتىلاي ورتا سالماق دارەجەسىندەگى قالعان چەمپيوندىق بەلدىكتەردى جيناۋ» دەپ جازدى دانيار ەلەۋسىنوۆ الەۋمەتتىك جەلىدە.
