وتكەن سەنبى كۇنى ەلوردا مەن پاۆلودار وبلىسى اكىمدىكتەرى بىرلەسىپ, جۇزەگە اسىرىپ جاتقان «نۇرلى ەرتىس» تۇرعىن ءۇي باعدارلاماسى اياسىندا كوپبالالى وتباسىلاردىڭ ءتورتىنشى لەگى نۇر-سۇلتان قالاسىنان ەكىباستۇز شاھارىنا قونىس اۋداردى. كوشۋگە نيەت تانىتقان وتباسىلاردى ەلوردا اكىمدىگى كولىكپەن قامتاماسىز ەتتى.
«مامىر ايىنان بەرى باس قالادان ەكىباستۇزعا 54 كوپبالالى وتباسى, بارلىعى 337 ادام كوشتى. ولارعا ءۇش بولمەلى پاتەرلەر بەرىلدى. بۇگىن تاعى 10 وتباسىنى, وتباسىلار مۇشەلەرىن بارلىعىن قوسقاندا 59 ادامدى قابىلداپ, اتتانعالى وتىرمىز. ولار دا پəتەرمەن قامتىلادى. بۇل وتباسىلاردىڭ جۇمىسقا جارامدى ازاماتتارىنا جۇمىس ۇسىنىلادى. بالا-شاعاسى بالاباقشالار مەن مەكتەپتەرگە ورنالاستىرىلىپ, تەگىن ىستىق تاماقپەن قامتاماسىز ەتىلەدى. بالالار مەن وتباسىنىڭ ءبىر ەرەسەك مۇشەسى قوعامدىق كولىكتە تەگىن جۇرەدى. بالالار سپورتتىق سەكتسيالار, ءəرتۇرلى ۇيىرمەلەرگە تەگىن قاتىسا الادى» دەدى ەكىباستۇز قالاسىنىڭ جۇمىسپەن قامتۋ ورتالىعىنىڭ مامانى ايگۇل شابەكوۆا.
ەكىباستۇزعا كوشكەن وتباسىلاردىڭ ءبىرى – ءتورت بالا ءوسىرىپ وتىرعان نۇرلىبەك ىسقاقوۆ پەن تولقىناي وسپانوۆانىڭ شاڭىراعى.
«سىر ەلى – جىر ەلىنىڭ تۋماسىمىن. قىزىلوردادان الدىمەن تۇركىستان قالاسىنا, ودان كەيىن بالا-شاعانىڭ بولاشاعىن ويلاپ, ەلورداعا قونىس اۋداردىق. وسىندا تۇرعانىمىزعا دا ون جىلعا جۋىقتادى. باسپانادان كوپ قينالدىق. اللا تاعالا ءنəسىپ ەتىپ, وسى كۇنگە جەتكىزدى. ءۇيىمىز بولاتىنىنا ءوزىمىز دە, بالا-شاعامىز دا قاتتى قۋانىپ ءجۇر. Əرينە, استانامىزدان كەتكىمىز كەلمەيدى, ونى قيمايمىز. بىراق بالا-شاعامىز ءۇشىن, ءۇي بەرىلەدى دەگەننەن سوڭ كوشۋگە بەل بايلادىق. نەگىزى, ەكونوميستىك وقۋدى ءبىتىردىم. الايدا ماماندىعىم بويىنشا جۇمىس ىستەمەي, اسابالىقپەن اينالىسامىن» دەدى نۇرلىبەك.
تولقىنايدىڭ ماماندىعى تاريح جəنە گەوگرافيا پاندەرىنىڭ مۇعالىمى ەكەن. ەلوردادا ول №29 مەكتەپتە ەڭبەكتەندى.
«ەكىباستۇزدان ءۇش بولمەلى پəتەر بەرەمىز, ماماندىعىڭىز بويىنشا جۇمىسقا ورنالاستىرامىز دەدى. ءتورت بالامەن پəتەرگە ەشكىم العىسى كەلمەيدى, جاتاقحانانىڭ قۋىقتاي بولمەسىندە تۇردىق. سوسىن «نۇرلى ەرتىس» باعدارلاماسى تۋرالى ەستىپ, ءوتىنىش بەردىك. راقمەت, ءبəرى تەز ارادا جۇزەگە استى. ەلوردا əكىمدىگى كولىك ءبولىپ, جۇكشىلەردى جىبەرىپ, الدىمەن زاتتارىمىزدى تيەپ الىپ كەتتى. ەندى ءوزىمىز جولعا شىققالى وتىرمىز» دەدى تولقىناي.
«نۇرلى ەرتىس» باعدارلاماسى ەلوردا اكىمدىگىنىڭ كەزەگىندە «كوپبالالى وتباسى» ساناتى بويىنشا تۇرعىن ءۇي كەزەگىندە تۇرعاندارعا ارنالادى. بۇل باعدارلاماعا قاتىسۋعا ءوتىنىش بەرگەندەر ەكىباستۇز قالاسىنا كوشىپ, باسپانالى بولادى. بەرىلەتىن پاتەر سانى – 122. ازىرگە سولاردىڭ جارتىسى يەلەرىن تاپتى. 3 بولمەلى پاتەرلەردىڭ ارقايسىسى – 78-80 شارشى مەتر. اتالعان باسپانانى الۋ ءۇشىن باستاپقى جارنا قاجەت ەمەس. اي سايىنعى جالعا الۋ باعاسى ءبىر شارشى مەترگە 99 تەڭگە, بۇل شامامەن 7722 تەڭگەدەن 8000 تەڭگە ارالىعىندا. 5 جىلدان كەيىن كوپبالالى وتباسى پاتەردى جەكەشەلەندىرە الادى. باسپانانى الۋعا ۇمىتكەر باعدارلامادان وتكەن جاعدايدا 120 000 تەڭگەدەن كەم ەمەس جالاقىلى جۇمىسقا ورنالاستىرىلادى.
