بۇرناعى كۇنى ۇكىمەت وتىرىسىندا ەلىمىزدىڭ مادەنيەت جانە اقپارات ءمينيسترى دارحان مىڭباي «استانا – تۇركى الەمىنىڭ مادەني ەلورداسى» جانە «استانا – دوستاستىقتىڭ مادەني ەلورداسى» اتتى ءىس-شارالاردى وتكىزۋدىڭ بارىسى تۋرالى بايان ەتتى.
تۇركسوي-عا مۇشە 14 ەلدىڭ ىشىندە استانا ەڭ ءبىرىنشى بولىپ مادەني ەلوردا مارتەبەسىن يەلەندى جانە 2012 جىلى ا تانا جىلى دەپ جاريالاندى. مينيستر حابارلاعانداي, استانا قالاسىنىڭ اكىمدىگى مەن مينيسترلىك بىرلەسە وتىرىپ ≪استانا – تۇركى الەمىنىڭ مادەني ەلورداسى≫ جىلىن وتكىزۋ جونىندە ناقتى جوسپار ازىرلەدى. جوسپار بويىنشا, تۇركى تىلدەس ەلدەرمەن ءتۇرلى فورماتتاعى بىرقاتار شارالار جوسپارلانعان. ≪استانا – تۇركى الەمىنىڭ مادەني ەلورداسى≫ جىلىنىڭ اياسىندا ≪جاڭا مىڭجىلدىقتىڭ جاڭا استاناسى≫ اتتى فوتوسۋرەتشىلەردىڭ حالىقارالىق كەزدەسۋى, مۇسىنشىلەردىڭ 5-كەزدەسۋى, قازاقستانداعى ازىربايجاننىڭ مادەنيەت كۇندەرى (ماۋسىم ايىندا), فولكلورلىق بي توپتارىنىڭ فەستيۆالى, ≪استانا توڭىرەگىندەگى مىڭجىلدىق≫ اتتى كوشپەلى وركەنيەتتەر فەستيۆالى جانە تاعى دا باسقا شارالار وتەدى دەپ كۇتىلۋدە. وتكەن جىلى 20 جەلتوقساندا ماسكەۋدە وتكەن تمد ەلدەرى مەملەكەت باسشىلارىنىڭ بەيرەسمي سامميتىندە ≪دوستاستىقتىڭ مادەني ەلورداسى –2012≫ ىلكى جوباسىن استانادا ىسكە اسىرۋ تۋرالى شەشىم قابىلدانعان بولاتىن. بىلتىر گومەل (بەلارۋس) مەن ۋليانوۆسك (رەسەي) قالالارى تاۋەلسىز مەملەكەتتەر دوستاستىعىنىڭ مادەني ەلوردالارى بولعان ەدى. ال 2012 جىلى استانا مەن مارى (تۇرىكمەنستان) قالالارى دوستاستىقتىڭ مادەني ەلوردالارى اتانىپ وتىر. مادەنيەت جانە اقپارات مينيسترلىگى استانا اكىمدىگىمەن بىرلەسىپ, ۇيىمداستىرۋ كوميتەتىن قۇردى. ≪جاڭا الەمدەگى ەۋرازيالىق مادەنيەت≫ اتتى حالىقارالىق فورۋمدى ۇيىمداستىرۋ جۇمىستارى جۇرگىزىلدى جانە اعىمداعى جىلى 15 ماۋسىمدا استانادا وسى فورۋم وتكىزىلدى. جىل بويىنا تمد ەلدەرى زاماناۋي كومپوزيتورلارىنىڭ كامەرالىق مۋزىكا فەستيۆالىن, تمد ەلدەرى ەتنوگرافيالىق فيلمدەرىنىڭ ≪سامۇرىق-ەتنو-فەست≫ كينوفەستيۆالىن, دەلفي ويىندارىن, جەتەكشى تەاترلار مەن ونەر ۇجىمدارىنىڭ گاسترولدىك كونتسەرتتەرىن وتكىزۋ جوسپارلانىپ وتىر. جانە تاجىريبە الماسۋدى قامتاماسىز ەتۋ ماقساتىندا استانادا تمد ەلدەرى كىتاپحاناشىلارىنىڭ فورۋمى مەن سەمينار-پراكتيكۋمدار وتكىزىلەدى.
