ەلوردادا «استانا بالەت» تەاترىنىڭ اشىلۋى وتەدى
«بۇل – كەرەمەت زاماناۋي كەشەن, مۇندا دايىندىق جاساۋعا, قويىلىم كورسەتۋگە ارنالعان ۇلكەن زالدار, كەڭ جانە جارىق گريمدەۋ بولمەلەرى, سپورت زالى جانە ت.ب. بار», – دەيدى تەاتر وكىلدەرى.
«استانا بالەت» قازاق ۇلتتىق حورەوگرافيا اكادەمياسىنىڭ جانىندا ورنالاسقان. كورەرمەن زالىنىڭ سىيىمدىلىعى – 783 ورىن, سونىڭ ىشىندە پارتەر -609 ورىن, بالكوننىڭ 2-ءشى يارۋسى – 104 ورىن, بالكوننىڭ 3-ءشى يارۋسى – 70 ورىن. ديزاينەرلەردىڭ ۇسىنعان جوباسى بويىنشا, التىن-قوڭىر ءتۇستى شىمىلدىق ءىلىنىپ, ورىندىقتار جاۋقازىن تۇستەس ماتەريالمەن قاپتالعان, ال ەدەن – قوڭىر ءتۇستى.
ساحنانىڭ اۋدانى 536 م² قۇرايدى. ساحنانى ترانسفورماتسيالاۋ ءۇشىن قوزعالمالى جانە كوتەرۋ-ءتۇسىرۋ مەحانيكاسىنىڭ ەڭ وزىق تەحنولوگيالارى پايدالانىلدى. ساحنادا ەڭ كۇردەلى ستسەنوگرافياسى بار قويىلىمدار قويۋعا مۇمكىندىك بار. تەاتردا ەكى دايىندىق زالى قاراستىرىلعان, ولاردىڭ اۋدانى ساحنانىڭ اۋدانىمەن بىردەي, بۇل جاڭا سپەكتاكلدەردى قويعان كەزدە وتە ىڭعايلى.
astana.gov.kz