بۇگىن تۇستە استانادا جاڭبىر جاۋىپ, دۇلەي داۋىل سوقتى. قالا تۇرعىندارى تابيعاتتىڭ قانداي شىعىن كەلتىرگەنى تۋرالى فوتو جانە ۆيدەوجازبالارمەن الەۋمەتتىك جەلىدە ءبولىسىپ جاتىر.
راۋان ەسقالي ەسىمدى استانالىق العاشقىلاردىڭ ءبىرى بولىپ مىناداي سۋرەتتەردى سالىپ, 15 مينۋتتىق داۋىلدىڭ سالدارىن كورسەتتى:
ال قر ءىىم توتەنشە جاعدايلار كوميتەتى «بەيبىتشىلىك جانە كەلىسىم» سارايىنىڭ ۆيتراجدى اينەكتەرىنە زاقىم كەلگەنىن راستادى. كوپ ۇزاماي وقيعا ورنىنا الماتى اۋدانىنىڭ اكىمى ادىلبەك سارسەمباەۆ جانە الماتى اۋدانى بويىنشا تجب باستىعى كەلىپ جەتتى. اۋدان اكىمى قاۋىپسىزدىك جانە قالپىنا كەلتىرۋ شارالارىن قابىلداۋ ۋشiن تاپسىرما بەردى.
سونداي-اق, الماتى كوشەسىندە ورنالاسقان «تۇمار» تۇرعىن ءۇيى ماڭىنداعى قۇرىلىس الاڭىندا كران قۇلادى. بۇل اقپاراتتى دا قر ءىىم راستادى.
وسى ۋاقىتقا دەيىن 13 ادام ءتۇرلى جاراقاتتارمەن جەدەل جاردەم قىزمەتىنە جۇگىندى.
استاناداعى نوسەرلى داۋىل ءبىراز جۇرتتى شوشىتقان سياقتى عوي. قورىقپاڭىزدار بۇل ارقانىڭ مىنەزى عوي…