استانا. مەملەكەت باسشىسى نۇرسۇلتان نازارباەۆ اقوردادا مۇناي-گاز كەڭەسىنىڭ وتىرىسىن وتكىزدى. وندا مۇناي-گاز سالاسىن ودان ءارى دامىتۋدىڭ, ونى جاڭعىرتۋ مەن ءارتاراپتاندىرۋدىڭ وزەكتى ماسەلەلەرى قارالدى. ەلباسى ەنشىلەس كومپانيالار اراسىندا فۋنكتسيالاردىڭ قايتالانۋىن جويىپ, كورپوراتيۆتىك باسقارۋدىڭ حالىقارالىق ستاندارتتارىنا سايكەستەندىرۋ ماقساتىندا «قازمۇنايگاز» ۇك» اق-نىڭ قۇرىلىمىن جەتىلدىرۋ قاجەتتىگىن اتاپ ءوتتى.
ليسسابون. پورتۋگاليا ۇكىمەتىنىڭ ەل ەكونوميكاسىنا بايلانىستى ىسكە اسىرماق بولعان ءىس-شارالارىنا نارازىلىق بىلدىرىلۋدە. بۇدان بۇرىن بيلىك ورىندارى بيۋدجەت جەتىسپەۋشىلىگىنە وراي شىعىندى 3,2 ملرد ەۋروعا كەمىتەتىندىگىن حابارلاعان بولاتىن. قارجى مينيسترلىگى ايىنا 600 ەۋرودان جوعارى جالاقى الاتىن مەملەكەتتىك قىزمەتكەرلەردىڭ ايلىعى 2,5 پايىزعا ازاياتىنىن ءمالىم ەتكەن ەدى.
لوندون. ۇلىبريتانيانىڭ ستوۋك-ون-ترەنت ەلدى مەكەنىندەگى اۋليە پەتر اتىنداعى كاتوليك شىركەۋى جەرگىلىكتى مۇسىلماندارعا ساتىلدى. بيرمينگەمدىك كاتوليكتەردىڭ وكىلى ەپارحيادا 250 مىڭ ادامنىڭ ءتىزىمى بارىن جەتكىزدى. الايدا, اۋليە پەتر شىركەۋىنە كەلەتىندەردىڭ قاتارى كۇرت كەمىگەن سوڭ, اشىق ساۋدا كەزىندە ەڭ جوعارى باعا ۇسىنعان مۇسىلماندارعا ساتۋعا ءماجبۇر بولعان.
ريم. ميلان قالاسىنىڭ سوتى يتاليانىڭ بۇرىنعى پرەمەر-ءمينيسترى سيلۆيو بەرلۋسكونيدىڭ الداعى ەكى جىلدا مەملەكەتتىك قىزمەت اتقارۋىنا تىيىم سالدى. سوت ونى سالىققا قاتىستى الاياقتىعى ءۇشىن ايىپتى دەپ تانىپ, وسىنداي شەشىم شىعارعان. بىراق بەرلۋسكوني قازىر سەنات مۇشەسى بولعاندىقتان, سوت شەشىمى كۇشىنە دەرەۋ ەنبەيدى. ول ءۇشىن اۋەلى پارلامەنت سەناتى ونى ءوز قاتارىنان شىعارۋ تۋرالى ماسەلەنى داۋىسقا سالىپ, ءتيىستى شەشىم قابىلداۋى ءتيىس.
