بەيبىتشىلىك جانە كەلىسىم سارايىندا استانا قالاسى اكىمدىگى «استانا جاستارى» جاستار رەسۋرستىق ورتالىعى جاستار ساياساتى ماسەلەلەرى باسقارماسىنىڭ قولداۋىمەن «Volunteer FEST» فەستيۆالى ءوتتى. سالتاناتتى جيىندا ءارتۇرلى سالادا ءوز ەركىمەن قوعامعا پايداسىن تيگىزىپ, بەلسەندىلىك تانىتقان 50-گە جۋىق ەرىكتى ۇيىم قاتىسىپ, ماراپاتتالدى.
مەكشى, ۆولونتەرلەر – جۇرەگى كەڭ, قايىرىمدى, قامقور جاندار. اتالمىش فەستيۆال – ەرىكتىلەرگە قۇرمەت كورسەتۋ ماقساتىندا قالالىق دەڭگەيدە قولعا الىنعان العاشقى ءىس-شارا. الداعى ۋاقىتتا فەستيۆالدى ءداستۇرلى تۇردە جىل سايىن وتكىزۋ جوسپاردا بار. باستى ماقسات ەرىكتىلەردى ماراپاتتاۋ ەمەس, بارلىق ۆولونتەرلەر – ماراپاتقا لايىق ازاماتتار. سوندىقتان بارشاڭىزعا العىس ايتامىز» دەدى استانا قالاسى جاستار ساياساتى باسقارماسىنىڭ باسشىسى قايرات قامباروۆ قۇتتىقتاۋ سوزىندە.
جەڭىمپازدار سەگىز باعىت بويىنشا انىقتالىپ, ولارعا باعالى سىيلىقتار تابىستالدى. بۇل ۇيىمداردىڭ باسىم بولىگى سەگىز جىلدان اسا ۋاقىت قىزمەت كورسەتىپ كەلەدى.
اتاپ ايتقاندا, ەكولوگيا باعىتىندا «مى زا چيستۋيۋ سترانۋ» ەكولوگيالىق قوزعالىسى, الەۋمەتتىك باعىتتا «مەيىرىمدى جاندار» ۆولونتەرلىك توبى, «كلۋب دوبرياكوۆ» قوزعالىسى, «باقىتتى شاڭىراق» قوعامدىق قورى لايىق دەپ تانىلدى. توتەنشە جاعدايداعى ۆولونتەرلىك باعىتىندا «Lider.kz» قوعامدىق بىرلەستىگى, ينكليۋزيۆتى باعىتتا «MikaSun» ينكليۋزيۆتى ۆولونتەرلىك توبى جانە «پوداري سچاستە» الەۋمەتتىك باعدارلامالار ورتالىعى جەڭىس تۇعىرىنان كورىندى. قوعامدىق ءتارتىپ باعىتىندا «Alphard club Astana», «Skoda club Astana» جانە «Brat za brata 001» اۆتوكلۋبتارى بار. مەديتسينا سالاسىندا «مەديتسينا جاستارى» رقب ۇزدىك دەپ انىقتالسا, جانۋارلاردى قورعاۋ باعىتى بويىنشا «سەردتسە انگەلا» قايىرىمدىلىق قورى, «كوۆچەگ» پاناسىز جانۋارلارعا ارنالعان قايىرىمدىلىق قورى ماراپاتتالدى. Event ۆولونتەرلىك سالاسىندا «اشىق جۇرەك» كلۋبى, «پۋت ماستەرستۆا» قايىرىمدىلىق قورى جانە باسقا دا ۇيىمدار جەڭىمپاز اتاندى.
الەۋمەتتىك باعىت بويىنشا جەڭىمپاز اتانعان ۇيىمنىڭ ءبىرى – «Biz birgemiz» ەرىكتىلەر قوزعالىسى.
«ءبىزدىڭ بىرلەستىكتىڭ قۇرامىندا 1000-عا جۋىق ەرىكتى بار. وسى ۋاقىتقا دەيىن ءبىز جەتى وتباسىعا پاتەر الۋعا قول ۇشىن سوزدىق. سوندىقتان جەڭىمپاز اتانعانىمىزعا شىن كوڭىلدەن قۋانىشتىمىن. بارلىق ەرىكتىنى جەڭىمپاز دەپ سانايمىن» دەدى ۆولونتەرلىك قوزعالىستىڭ توراعاسى ايان سالىمگەرەەۆ.
حالىق اراسىندا ۆولونتەرلەردىڭ بەدەلىن ارتتىرۋ جانە ۆولونتەرلىك جۇمىستىڭ ماڭىزىن ناسيحاتتاۋ, ولاردىڭ ءبىر-بىرىمەن تاجىريبە الماسۋىنا جاعداي جاساۋ, ۆولونتەرلىك جوبالاردى قولداۋ ماقساتىندا ۇيىمداستىرىلىعان كەشتە ەرىكتىلەر ءۇشىن كونتسەرتتىك باعدارلاما قويىلىپ, فوتو-كورمە وتكىزىلدى.
