ەلوردالىق مادەنيەت مەكەمەلەرى وقۋشىلارعا ارناپ ەرەكشە باعدارلاما ازىرلەدى
م. گوركي اتىنداعى مەملەكەتتىك اكادەميالىق دراما تەاترى 5 قاراشادا ساعات 18:00-دە وقۋشىلاردى قازاق حالقىنىڭ باتىرلار جىرى – «الپامىس» ەپوسىنىڭ جەلىسىمەن قويىلعان «دالا اڭىزى» ءافساناسىنىڭ پرەمەراسىنا شاقىرادى. باتىرلىق ەپوس قازاقستاندىقتاردىڭ جاس بۋىنىن پاتريوتتىق تاربيەلەۋ جانە وتانىن قورعاۋعا دايىندىق ماقساتىندا رەپەرتۋارعا ەنگىزىلدى. قويىلىمدى 6 قاراشادا ساعات 18:00 دە تاماشالاۋعا بولادى.
سونداي-اق, 6 قاراشادا ساعات 11:00-دە تەاتردا س. استراحانتسەۆتىڭ «براتەتس ليس ي براتەتس كروليك» ەرتەگىسىنىڭ قويىلىمى وتەدى.
5-6 قاراشادا ساعات 12:00-دە جانە 14:00-دە استانا قالاسىنىڭ قۋىرشاق تەاترىندا (رەسپۋبليكا داڭع., 3) بالەت جانرىنداعى «مەنىڭ سالعان سۋرەتىم» («ەتو يا ناريسوۆال») سپەكتاكلى كورسەتىلەدى. قويىلىمدا جەر بەتىندەگى ءتىرى جانداردىڭ پايدا بولۋى تۋرالى اڭگىمەلەنەدى.
astana.gov.kz