جۋىردا ەسىل اۋدانىنىڭ پروكۋراتۋراسىنا بۋراك كاحرامان جانە نۋري وزدامار ەسىمدى تۇركيا ازاماتتارى ەڭبەك جانە كوشى-قون زاڭنامالارىنىڭ بۇزىلۋى بويىنشا شاعىمدانعان. وسىعان بايلانىستى پروكۋراتۋرا وكىلدەرى تەكسەرىس جۇرگىزدى.
اتالمىش ەكى ازامات تا «دامير-ستروي» جشس-ءنىڭ جۇمىسكەرلەرى. تەكسەرۋ بارىسىندا بەلگىلى بولعانداي, تۇركيا رەسپۋبليكاسىنىڭ ازاماتتارى جەرگىلىكتى اتقارۋشى ورگانداردىڭ رۇقساتىندا كورسەتىلگەن ەڭبەك قىزمەتىنە ساي ەمەس قىزمەت اتقارعان. سونىمەن قاتار, جۇمىس بەرۋشى مەكەمەنىڭ جۇمىسشىلارى الدىندا 2 953 800 تەڭگە ەڭبەكاقى قارىزى بارى انىقتالعان. سونىڭ ىشىندە تۇركيا رەسپۋبليكاسىنىڭ ەكى ازاماتىنا 600 000 تەڭگە ەڭبەكاقى قارىز.
«دامير-ستروي» مەكەمەسىندە بۋراك كاحرامان جيھازدىڭ دەكوراتيۆتى ەلەمەنتتەرىن دايىنداۋ فاكتىسى بويىنشا سىلاقشىنىڭ مىندەتىن اتقارعان, نۋري وزدامار اعاش جانە بولشەكتەر دايىنداۋ فاكتىسى بويىنشا پرورابتىڭ جۇمىسىن ىستەگەنى بەلگىلى بولدى.
پروكۋرورلىق ىقپال ەتۋ اكتىلەرىنىڭ ناتيجەسىندە, «دامير-ستروي» جشس تۇركيا رەسپۋبليكاسى ازاماتتارىن 4 كاتەگوريا بويىنشا, شەتەلدىك جۇمىس كۇشىن جەرگىلىكتى اتقارۋشى ورگانمەن بەرىلگەن رۇقساتتاماداعى اتاۋعا سايكەس ەمەس كاسىپ ۇسىنعانى ءۇشىن جاۋاپقا تارتىلدى. بۇعان قوسا, جالپى كولەمى 2 953 800 تەڭگە بولاتىن 13 جۇمىسشىنىڭ ايلىعى تولەندى. ونىڭ ىشىندە پروكۋراتۋراعا شاعىمدانعان ەكى تۇركيالىق ازامات تا بار.
قولدانىستاعى زاڭناماعا سايكەس, ەڭبەك كودەكسىن بۇزعانى ءۇشىن «دامير-ستروي» جشس اكىمشىلىك جاۋاپكەرشىلىككە تارتىلدى.
گۇلميرا ايماعانبەت
