كەشە استانا اكىمى ادىلبەك جاقسىبەكوۆتىڭ توراعالىعىمەن كەزەكتى اپپارات كەڭەسى ءوتتى.
جيىندا ەڭبەك قاتىناستارىن ءتيىمدى ۇيىمداستىرۋدىڭ, سونداي-اق قالانى دامىتۋدىڭ وزەكتى ماسەلەلەرى قارالدى, دەپ حابارلادى استانا قالاسى اكىمىنىڭ ءباسپاسوز قىزمەتى.
بۇگىنگى تاڭدا 8 ۇيىم 106 قىزمەتكەرگە جالپى سوماسى 37 ملن. 300 مىڭ تەڭگە قارىز.
وسىعان بايلانىستى قالا باسشىسى بارلىق قۇرىلىس كومپانيالارى مەن مەردىگەر ۇيىمداردى باقىلاۋعا الۋدى تاپسىردى. ول سونداي-اق, قۇرىلىستىڭ ساپاسى مەن تيىمدىلىگى سالادا جۇمىستىڭ قالاي ۇيىمداستىرىلعانىنا تىكەلەي بايلانىستى ەكەنىن اتاپ ءوتتى.
كەڭەس بارىسىندا اكىم قالاداعى كولىك تۇراقتارىنا قاتىستى كوكەيتەستى ماسەلەنى كوتەردى. انىقتالعانداي, ەلوردانىڭ ءىرى ساۋدا ورتالىقتارى كولىك تۇراقتارىنا ارنالعان ورىنداردى شاعىن بيزنەس نىساندارى رەتىندە جالعا بەرىپ كەلەدى. بۇل مەملەكەتتىك مەكەمەلەر تاراپىنان ءتيىستى باقىلاۋدىڭ جوقتىعىن بىلدىرەدى. ادىلبەك جاقسىبەكوۆ اۆتوتۇراق ايماقتارىن پايدالانۋعا بايلانىستى كەشەندى تەكسەرىس جۇرگىزۋدى تاپسىردى.
سونداي-اق, كەڭەستە ەلوردا ينفراقۇرىلىمى مەن الداعى مەرەكەلىك شارالارعا دايىندىق بارىسى ءسوز بولدى.
