ەريچ ەر ەكەن
«استانا» فۋتبول كلۋبى قاتارىنان ءۇشىنشى رەت ەۋروپا ليگاسىنىڭ توپتىق كەزەڭىنە جولداما الدى.
چەمپيوندار ليگاسىنىڭ ءۇشىنشى ىرىكتەۋ كەزەڭىندە سۇرىنگەن «استانا» بىردەن ەۋروپا ليگاسىنىڭ پلەي-وفف كەزەڭىنە تۇسكەن ەدى. ءسويتىپ مۇندا سىرالعى قارسىلاس كيپردىڭ اپوەل كومانداسىنا تاپ كەلدى. ەلوردالىقتاردىڭ بۇل كوماندامەن وسىعان دەيىن ەكى رەت جولى ءتۇيىسكەن. بىرىنشىسىندە كيپرلىقتاردى قاپى قالدىرىپ, العاش رەت چەمپيوندار ليگاسىنىڭ توپتىق كەزەڭىنە وتكەن. ەكىنشى ەۋروپا ليگاسىندا ءبىر توپتا وينادى. قوس ماتچتان تۇرعان بۇل كەزدەسۋلەردىڭ ءبارىن قوسا ايتقاندا ەشقايسىسىندا «استانا» اپوەل-عا ەسە جىبەرمەدى.
بيىل ەۋروپا ليگاسىنىڭ پلەي-وفىندا ءۇشىنشى رەت تاعى جولىقتى. نيكوسيا قالاسىندا وتكەن العاشقى ماتچ 1:0 ەسەبىمەن الاڭ يەلەرىنىڭ پايداسىنا اياقتالدى.
اراعا اپتا سالىپ, اپوەل-دى «استانا ارەنادا» قارسى الدى.
جاۋاپتى ويىندا استانالىق پەدرو ەنريكەنىڭ 16-مينۋتتا پەنالتيدەن سوققان گولىنان كەيىن ەسەپ وزگەرمەدى. ءتىپتى قوسىمشا تايمدا دا تارازى باسى تەڭەسپەدى. ءسويتىپ قوس ماتچتىق كەزدەسۋ تاعدىرى پەنالتي سەرياسىندا شەشىلدى. مۇندا قالىڭ كورەرمەننىڭ زور قوشەمەتىنە بولەنگەن ەريچتىڭ ەرلىگىنە كۋا بولدىق. اپوەل جاساعان 5 سوققىنىڭ تورتەۋى دالاعا كەتتى. ونىڭ ەكەۋى ەريچتىڭ قولىنان كەيىن سەرپىلدى. ال «استانانى» ەنريكە مەن ريچارد المەيدانىڭ سوققان گولدارى جەڭىسكە جەتكىزدى.
كەشە «استانانىڭ» توپتىق كەزەڭدەگى قارسىلاستارى انىقتالدى.
ولار – دينامو كيەۆ (ۋكراينا), رەنن (فرانتسيا) جانە يابلونەتس (چەحيا) كوماندالارى.