ەرىكتىلەر قول ۇشىن سوزدى
«جاستار رۋحى» جاستار قاناتىنىڭ ەرىكتىلەرى تابيعي اپاتپەن كۇرەس شارالارىنا قول ۇشىن سوزۋدى جالعاستىرۋدا. ەلوردالىق رۋحتاستار ارشالى اۋدانى جىبەك جولى اۋىلىنداعى تاسقىن سۋدىڭ الدىن الىپ, بوگەتتەر قۇرۋ جۇمىسىنا جۇمىلدىرىلدى. ولار ءۇش كۇن بويى قارعىن سۋمەن كۇرەستى.
باتىسقازاقستاندىق ەرىكتىلەر دە زارداپ شەككەن تۇرعىنداردى ورنالاستىرۋعا ەۆاكۋاتسيا پۋنكتتەرىندە ورىندار دايىنداپ, سۋعا كەتۋ قاۋپى بار اۋماقتا الدىن الۋ جۇمىسىن جۇرگىزىپ جاتىر. قۇم قاپشىقتارىن ورنالاستىرىپ, بار كومەگىن اياماۋدا. سونداي-اق «Asarume» قورىنىڭ قولداۋىمەن تۇرعىندارعا قاجەتتى زاتتارمەن قاتار, ارنايى تەحنيكا, موتوپومپا, موتورلار دا كەلىپ جەتتى. ۆولونتەرلەر گۋمانيتارلىق كومەكتى ءتۇسىرۋ, سۇرىپتاۋ, ۇلەستىرۋ جۇمىستارىنا اتسالىسۋدا. اقمولا وبلىسىندا جاستار قاناتىنىڭ 500-گە جۋىق ۆولونتەرى تابيعي اپاتپەن كۇرەس ءىس-شارالارىنا ءوز ۇلەسىن قوسۋدا. ولار جينالعان گۋمانيتارلىق كومەكتى زارداپ شەككەن تۇرعىندارعا ۇلەستىرۋدە.