ەلوردالىق ارتىستەردىڭ استانانىڭ 20 جىلدىعىنا ارنالعان قازاقستاننىڭ قالالارى بويىنشا ۇلكەن گاسترولدىك تۋرى جالعاسۋدا. 2-3 قىركۇيەكتە پاۆلوداردا استانانىڭ كۇندەرى ءوتتى.
گاسترولدىك ەكى كۇندە جەرگىلىكتى تۇرعىندار تاۋەلسىزدىك سارايى ۇيىمداستىرعان «اق تىلەكپەن, استانا!» كورمەسىن تاماشالادى. ەكسپوزيتسياعا س.سماعۇلوۆ, م.بەكەەۆ, ر.كۇلباتىروۆ, س.اللابەرگەنوۆ, ن.كارجاسوۆ جانە ت.ب. تانىمال 50 وتاندىق سۋرەتشىنىڭ 60 ۇزدىك تۋىندىسى, جاننا سپۋنەردىڭ جەكە كوللەكتسياسىنداعى ەڭبەكتەرى, استانالىق شەبەرلەردىڭ كارتينالارى مەن مۇسىندەرى قويىلدى. كورمەگە كەلگەندەر وتاندىق قىلقالام شەبەرلەرىنىڭ ونەرىنە, شىعارماشىلىق الەۋەتتەرىنە ءوز باعاسىن بەردى.
ەلوردالىق ارتىستەر بارلىق قالالاردا وتكەن «استانادان اق تىلەك» اتتى گالا-كونتسەرت قويدى. ساحنا تورىندە «سارىارقا» حالىق مۋزىكا ءانسامبلى, «شالقىما» حالىق ءبيى ءانسامبلى, ەسترادالىق بي ءانسامبلى, كلاسسيكالىق, ەسترادالىق جانە حالىق ۆوكالىنىڭ سوليستەرى ونەر كورسەتتى.
ودان كەيىن اشىق اسپان استىندا ۇيىمداستىرىلعان كونتسەرتتە استانالىق ديدجەيلەر جانە كلارا تولەنباەۆا, مارجان اراپباەۆا, كۇلايىم قايىرباەۆا, رينات مالتساگوۆ, دوس, الماس كىشكەنباەۆ سىندى وتاندىق ەسترادا انشىلەرى ءان شىرقادى.
