گۋمانيتارلىق جانە الەۋمەتتىك عىلىمداردىڭ ماسەلەلەرى تالقىلاندى

ەۋرازيا گۋمانيتارلىق ينستيتۋتىندا «گۋمانيتارلىق جانە الەۋمەتتىك عىلىمداردىڭ قازىرگى ماسەلەلەرى» تاقىرىبىندا رەسپۋبليكالىق عىلىمي-پراكتيكالىق كونفەرەنتسيا بولىپ ءوتتى.

پلەنارلىق ماجىلىسكە قاتىسقان ەكونوميكا عىلىمدارىنىڭ دوكتورى, پروفەسسور, اكادەميك, «تۇران» ءبىلىم بەرۋ كورپوراتسياسىنىڭ ۆيتسە-پرەزيدەنتى وراق اليەۆ, فيلولوگيا عىلىمدارىنىڭ دوكتورى, پروفەسسور, تۇركى اكادەمياسىنىڭ عالىم-حاتشىسى بالتاباي ابدىعازيۇلى, پەداگوگيكا عىلىمدارىنىڭ دوكتورى, پروفەسسور, ەۋرازيا گۋمانيتارلىق ينستيتۋتى پەداگوگيكا كافەدراسىنىڭ مەڭگەرۋشىسى باۋىرجان سارسەكەەۆ, فيلولوگيا عىلىمدارىنىڭ دوكتورى, پروفەسسور, قر ۇعا-نىڭ مۇشە-كوررەسپوندەنتى, گۋميلەۆ اتىنداعى ەۋرازيا ۇلتتىق ۋيۆەرسيتەتىنىڭ الەۋمەتتىك-مادەني دامۋ جونىندەگى پرورەكتورى ديحان قامزابەكۇلى, تاريح عىلىمدارىنىڭ دوكتورى, پروفەسسور, ەۋرازيا گۋمانيتارلىق ينستيتۋتى وقۋ جانە عىلىمي جۇمىس جونىندەگى پرورەكتورى قادىر احمەتوۆ, «رەسپۋبليكا» زجق» اكتسيونەرلىك قوعامى باسقارماسىنىڭ كەڭەسشىسى ءاليا احماليشەۆا, فيلولوگيا عىلىمدارىنىڭ كانديداتى, گۋميلەۆ اتىنداعى ەۋرازيا ۇلتتىق ۋنيۆەرسيتەتى فيلولوگيا فاكۋلتەتىنىڭ شەتەل فيلولوگياسى كافەدراسىنىڭ دوتسەنتى, «Paris West University Nanterre La Defense» ۋنيۆەرسيتەتىنىڭ PhD دوكتورانتى گۇلنار سارسەكەەۆا, زاڭ عىلىمدارىنىڭ كانديداتى, ەۋرازيا گۋمانيتارلىق ينستيتۋتى مەملەكەتتىك-قۇقىقتىق پاندەر كافەدراسىنىڭ دوتسەنتى ابىلايحان اككۋلەۆ كوپتەگەن تاقىرىپتا باياندامالار جاساپ, كوڭىلگە قونىمدى ۇسىنىستار ايتتى.

كونفەرەنتسيا جۇمىسىنا ۋكراينا عالىمدارىمەن قاتار ەلىمىزدىڭ كوپتەگەن قالالارىنان ءبىلىم جانە عىلىم, ساياسات سالالارى ۋاكىلەتتى ورگاندارىنىڭ, ءتۇرلى جالپى ورتا, كاسىپتىك, جوعارى, قوسىمشا كاسىپتىك ءبىلىم باعدارلامالارىن جۇزەگە اسىرۋشى ءبىلىم بەرۋ ۇيىمدارىنىڭ 180-نەن استام وكىلى قاتىستى.

ماجىلىسكە قاتىسۋشىلار قازىرگى ۋاقىتتا ءبىلىم بەرۋدىڭ باستى ۇستانىمدارىنىڭ ءبىرى تۇلعانىڭ رۋحاني دامۋىنا, ىشكى مادەني الەمىنە وزىنشە اسەر ەتەتىن گۋمانيتارلىق قىرىن جەتىلدىرۋ بولىپ تابىلاتىنىن اتاپ كورسەتتى. سونداي-اق, ولار ءبىلىم بەرۋ, عىلىم, مامانداردى دايارلاۋ مەن قايتا دايارلاۋداعى باسىمدىقتاردى تاڭداۋعا دەگەن تەحنوكراتيالىق كوزقاراستىڭ اۋا جايىلۋىنا الاڭداۋشىلىقتارىن ءبىلدىردى.

نۇريسلام قۇسپانعالي