استانادا حوككەيگە قىزىعاتىن بالالاردىڭ سانى ارتىپ كەلەدى. وعان ءار اۋداننىڭ اشىق الاڭدارىندا, مەكتەپتەردىڭ جانىندا جانە ساياباق پەن وزەن ۇستىنە جاسالعان مۇز ايدىندارى دا سەپ بولىپ جاتىر.
حوككەيدى اۋەس كورگەن كىشكەنتايلاردىڭ ءبىر اۋىق باسىن قوسىپ, ءبىر-بىرىمەن ويناتىپ تۇرسا, بۇل سپورتقا دەگەن قۇمارلىق ارتا تۇسپەك. وسىنداي ىسكە استانا قالاسىنىڭ مادەنيەت جانە سپورت باسقارماسى باستاماشى بولىپ, «بارىس» مۇز سارايىندا بالالار كوماندالارى اراسىندا جولداستىق ماتچ ۇيىمداستىردى.
قوس كوماندانىڭ ءبىرى استاناداعى №10 سپورت مەكتەبى بولسا, ەكىنشى كوماندا اقكول قالاسىنداعى بالالار ءۇيىنىڭ تاربيەلەنۋشىلەرىنەن قۇرالدى. ءسويتىپ 2005 جىلى تۋعان بالالار اراسىنداعى ويىن نەگىزگى ۋاقىتتا ءبىر ۇپاي ايىرماشىلىعىمەن اقكولدەن كەلگەن كوماندانىڭ جەڭىسىمەن اياقتالدى. ەسەپ – 6:5.
№10 بالالار مەن جاسوسپىرىمدەر سپورت مەكتەبىندە 5 جاستان اسقان بالادان باستاپ قازاقستاندىق حوككەي ليگاسىنىڭ جاستار مەن جاسوسپىرىمدەر ليگاسىنىڭ كوماندالارىنا دەيىن وقيدى. مەكتەپ تۇلەكتەرى – جاستار مەن قۇرلىقتىق حوككەي ليگالارىندا وينايتىن وتاندىق كلۋبتاردىڭ مۇشەسى.
ورىنبەك وتەمۇرات
