«يندۋستريالنىي كازاحستان» جزق» اق-نىڭ اكتسيونەرلەرى قوردى تاراتۋ تۋرالى شەشىم قابىلدادى. تاراتۋ قوردى «گنپف» جزق» اق-نا بىرىكتىرۋ ارقىلى قازاقستان رەسپۋبليكاسى زاڭدارىنىڭ بارلىق تالاپتارىن ورىنداعاننان كەيىن ىسكە اسادى. ونىڭ سەبەبى – شاعىن جيناقتاۋشى زەينەتاقى قورلارىنىڭ تيىمدىلىگى تومەن بولىپ سانالادى. مۇنداي قورلار ءىرى قورلار سياقتى وراسان اكىمشىلىك شىعىندار جۇمسايدى, ال بۇل جاعدايدا ءىرى قورلار اينالىمىنىڭ اۋقىمدىلىعىنا بايلانىستى اجەپتاۋىر پايداعا كەنەلىپ وتىرادى. «يندۋستريالنىي كازاحستان» زەينەتاقى قورى ءۇشىن ءوز قىزمەت اياسىن كەڭەيتە ءتۇسۋ بالامالى امال بولار ەدى, بىراق وعان قوسىمشا ينۆەستيتسيا جۇمساۋ قاجەت.
«گنپف» جزق» اق بىرىگۋگە ەڭ قولايلى قورلاردىڭ ءبىرى بولدى, ويتكەنى, بۇل قور كوپتەگەن كورسەتكىشتەرى بويىنشا زەينەتاقى نارىعىنىڭ كوشىن باستاعان ۇزدىكتەر ۇشتىگىنىڭ ساپىندا كەلەدى. 2012 جىلدىڭ 12 ناۋرىزىنان باستاپ «گنپف» زەينەتاقى قورى وسى نارىقتاعى كوميسسيالىق سىياقىنىڭ مينيمالدى دەڭگەيىن ينۆەستيتسيالىق تابىستىڭ 12%-ى جانە زەينەتاقى اكتيۆتەرىنىڭ اي سايىنعى 0,0375%-ى مولشەرىندە بەلگىلەدى. كوميسسيانى كەمىتۋ ارقاسىندا 6 ايعا جەتپەيتىن ۋاقىت ىشىندە قور سالىمشىلار شوتىنا 700 ملن تەڭگەدەن اسا اقشا ءبولدى.
«كەيبىر كىنامشىل جاندار اراسىندا «يندۋستريالنىي كازاحستان» قورىنىڭ اكتيۆتەرىن بىرىكتىرۋ «گنپف» قورى سالىمشىلارىنىڭ جيناقتالعان قورلانىمىنا كەرى اسەرىن تيگىزەدى دەگەن پىكىر بار. بىرىنشىدەن, «يندۋستريالنىي كازاحستان» قورىنىڭ اكتيۆى «گنپف» قىزمەتىنە كەرى ىقپال ەتەردەي سونشالىقتى كوپ ەمەس. ەكىنشىدەن, بۇل تۇبىرىنەن قاتە پايىم, سەبەبى, «يندۋستريالنىي كازاحستان» قورىنىڭ اكتيۆتەرى, «گنپف» اكتيۆتەرىنە قوسىلماس بۇرىن, مىندەتتى تۇردە ناقتى نارىق باعا بويىنشا باعالاۋ وپەراتسياسىنان وتەدى. ءبىز «گنپف» قورىن ىرىلەندىرۋ ەكى قوردىڭ دا باسىمدىقتارىن ۇلاستىرادى دا, جاعىمدى ناتيجەلەرگە جەتۋلەرىنە جول اشادى» دەيدى «گنپف» جزق» اق-نىڭ باسقارۋشى ديرەكتورى رۋسلان ەردەناەۆ.
بىرىكتىرگەننەن كەيىن «يندۋستريالنىي كازاحستان» زەينەتاقى قورى سالىمشىلارىنىڭ قورلانىمى 15 جىلدىق تۇراقتى جۇمىس تاجىريبەسى بار ءىرى زەينەتاقىنى قورىنا تۇگەلدەي اۋدارىلادى. سوعان ءوتۋ ارقىلى سالىمشىلار كوپتەگەن باسىمدىققا يە بولادى. قازىرگى كەزدە «گنپف» زەينەتاقى قورى قالىپتاسقان داستۇرگە ساي ءوز قىزمەتىن دامىتۋدى – كورسەتىلەتىن بارلىق قىزمەت تۇرلەرىنىڭ قولجەتىمدىلىگى مەن ساپاسىن جاقسارتۋدى, قورعا سەنىپ تاپسىرىلعان زەينەتاقى قورلانىمدارىن باسقارۋ تيىمدىلىگىن ارتتىرۋدى, سول ارقىلى ءوز سالىمشىلارىنىڭ زەينەتىنە قارجىلاي ەركىندىك ءورىسىن اشۋدى جالعاستىرا بەرەدى.
