ينفراقۇرىلىم نىساندارى – ەل يگىلىگىنە
استانا اكىمى اسەت يسەكەشەۆ بىرنەشە ينفراقۇرىلىم نىساندارىنىڭ قۇرىلىسىن ارالادى. ەلوردا باسشىسى الدىمەن «ءبايتەرەك» قوسالقى ەلەكتروستانتسياسىنىڭ قۇرىلىسىمەن تانىستى, ونى 2017 جىلى قاڭتاردا ىسكە قوسۋ كوزدەلگەن.
شاعىن ستانتسيا جاڭا ۆوكزالدى, №15, 16 سورعى ستانتسيالارىن جانە الەمدىك دەڭگەيدەگى «كاسىپقور» كوللەدجىن ەلەكتر ەنەرگياسىمەن جابدىقتايتىن بولادى.
اسەت يسەكەشەۆ عيماراتىنىڭ قۇرىلىسى اياقتالعان №15 سورعى ستانتسياسىن دا ارالاپ كوردى. مۇندا سورعىلاردى, قۇبىرلاردى, ينجەنەرلىك جەلىلەردى (سۋ قۇبىرىن, كارىز, نوسەر كارىزىن) مونتاجداۋ جۇمىستارى جۇرگىزىلدى. ەلەكتر جانە بوقجا, تەحنولوگيالىق پروتسەستى باسقارۋدىڭ اۆتوماتتاندىرىلعان جۇيەسىن مونتاجداۋ, ىشكى ارلەۋ جۇمىستارى جالعاسۋدا.
سورعى ستانتسياسىن 2016 جىلدىڭ 15 قازانىندا ىسكە قوسۋ جوسپارلانعان. سونداي-اق, استانا اكىمى جەو-2 جاڭعىرتۋ جانە قالپىنا كەلتىرۋ بارىسىمەن تانىستى.
ساپار سوڭىندا اسەت يسەكەشەۆ №9 قالالىق ەمحاناعا ات باسىن تىرەدى. ەمحانانىڭ جالپى اۋدانى 9935,1 شارشى مەتر, مەكەمە زاماناۋي ەمدەۋ-دياگنوستيكالاۋ جابدىقتارىمەن جابدىقتالعان بىلىكتى ماماندار قىزمەت ەتەتىن 11 بولىمنەن تۇرادى. 2016 جىلدان باستاپ ەمحانادا قازاقستان رەسپۋبليكاسىندا دەنساۋلىق ساقتاۋدى دامىتۋدىڭ 2016-2019 جىلدارعا ارنالعان «دەنساۋلىق» مەملەكەتتىك باعدارلاماسى اياسىندا اۋرۋدىڭ الدىن الۋ مەن باسقارۋعا ينتەگراتسيالىق تۇرعىدان قاراۋ نەگىزىندە قوعام دەنساۋلىعىن قورعاۋ بويىنشا جاڭا ساياسات قولعا الىنىپ, ەندوسكوپيالىق پوليپەكتوميا مەن گيستەروسكوپيالىق وپەراتسيالار پراكتيكاعا ەنگىزىلدى.
ازامات ەسەنجول