بۇگىندە ەلوردانىڭ ءاربىر ەكىنشى تۇرعىنى شاعىن جانە ورتا بيزنەسپەن اينالىسادى ەكەن. بۇل مالىمەتتى اكىمدىكتە وتكەن بريفينگتە ينۆەستيتسيا جانە كاسىپكەرلەردى قورعاۋ باسقارماسىنىڭ باسشىسى الىشەر ابدىقادىروۆ جەتكىزدى.
«استانا كاسىپكەرلەر قالاسىنا اينالدى دەپ سەنىمدى تۇردە ايتۋعا بولادى. شاھارداعى ەكونوميكانىڭ باسىم بولىگى شاعىن جانە ورتا بيزنەس ەسەبىنەن قالىپتاسۋدا. بۇگىندە ەلوردانىڭ ايماقتىق جالپى ىشكى ونىمىندە ونىڭ ۇلەسى 54,4 پايىزدى قۇرادى. سوڭعى 8 جىلدا شاعىن جانە ورتا بيزنەس سۋبەكتىلەرىنىڭ سانى بەس ەسەگە ءوستى» دەدى ءا.ابدىقادىروۆ.
قازىرگى كۇندە استانا ەلىمىزدەگى ەڭ باستى جۇمىس بەرۋشى شاھارعا اينالدى. بۇگىندە ەلوردادا 111 مىڭنان اسا كاسىپكەر سۋبەكتىسى تىركەلگەن بولسا, ونىڭ باسىم كوپشىلىگى شاعىن جانە ورتا بيزنەستىڭ وكىلدەرى سانالادى. ياعني تۇرعىنداردىڭ 65 پايىزى بيزنەسپەن اينالىسادى ەكەن.
قازىر اكىمدىك بيزنەستى بارىنشا كەڭ قولداۋدى قامتاماسىز ەتۋ ءۇشىن تۇرعىندار مەن ينۆەستورلارعا «ءبىر تەرەزە» قاعيداسى بويىنشا بارلىعى ءبىر جەرگە شوعىرلانعان قىزمەت كورسەتۋ ورتالىعىن قۇرادى. بۇل جوبا بيزنەستى ودان ءارى وڭتايلى ەتۋگە سەپتىگى تيمەك.
