بالالىق شاق – ادامنىڭ ەڭ ماڭىزدى كەزەڭى, وسى كەزەڭدە سالاۋاتتى, تابىستى جانە باقىتتى ءومىردىڭ نەگىزدەرى قالانادى.
ادامدى كامەلەتكە تولعانعا دەيىن بالا دەپ ساناۋعا بولادى, تەك 18 جاستان كەيىن عانا وعان ءىس-ارەكەتى مەن جەكە ءومىرى ءۇشىن تولىق جاۋاپكەرشىلىك جۇكتەلەدى.
الايدا كەيبىر ەرەسەكتەر تاراپىنان «ءوزارا كەلىسىم بولدى» دەگەندى جەلەۋ ەتىپ, كامەلەتكە جاسى تولماعاندارمەن جىنىستىق قاتىناسقا تۇسەتىن جاعدايلار بار.
ماسەلەن, وتكەن جىلى استانا قالاسىندا كامەلەتكە جاسى تولماعانداردى جىنىستىق قاتىناسقا تۇسۋگە يتەرمەلەۋ قىلمىسى ءۇشىن 17 ادام سوتتالدى.
جاعدايدىڭ باسىم كوپشىلىگىندە (17 دەرەكتىڭ 13-ءى) ەر ادامدار 16 جاسقا تولماعاندارمەن «ءوزارا كەلىسىممەن» جىنىستىق قاتىناسقا تۇسكەن. (قازاقستان رەسپۋبليكاسى قىلمىستىق كودەكسىنىڭ 122-بابى).
ايتالىق, 25 جاسار ا. ەسىمدى ازامات 14 جاسار قىزبەن جىنىستىق قاتىناسقا تۇسكەنى ءۇشىن استانا قالاسى كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتىنىڭ 2023 جىلعى 9 ماۋسىمداعى ۇكىمىمەن 2 جىلعا باس بوستاندىعى شەكتەلدى.
ءتىپتى كەي كەزدە قىزدىڭ اتا-اناسىنىڭ كەلىسىمى, جىگىتتىڭ قىز كامەلەتكە تولعاننان كەيىن نەكەگە تۇرۋعا ۇمتىلىسىنا قاراماستان, مۇنداي ارەكەتتى زاڭ جازالايدى.
كەيىنگى كەزدە ءجيى بوي كورسەتە باستاعان وسىنداي قىلمىستاردىڭ نەگىزگى سەبەپتەرى ولاردىڭ بويىنا قارشادايىنان يماندىلىق پەن ىزگىلىك تاربيەنىڭ سىڭىرىلمەۋىنەن, قۇقىقتىق ساۋاتتىلىقتارىنىڭ تومەندىلىگىنەن جانە اتا-انالارى تاراپىنان باقىلاۋدىڭ جەتكىلىكسىزدىگىنەن دەپ تۇسىنەمىز.
سوندىقتان قالا پروكۋراتۋراسى تاراپتاردىڭ ءوزارا كەلىسىمىنە قاراماستان, 16 جاسقا تولماعان جاسوسپىرىمدەرمەن جىنىستىق قاتىناسقا ءتۇسۋ قىلمىستىق ارەكەت رەتىندە قاتاڭ جازالاناتىنىن ەسكەرتەدى!
ايدىن بەكين,
استانا قالاسى
پروكۋراتۋراسىنىڭ باسقارما پروكۋرورى
