كولىك تىزگىنىن بىلىكتىلەر ۇستايدى
استانادا قوعامدىق كولىك جۇرگىزۋشىلەرىنىڭ بىلىكتىلىگىن جوعارىلاتاتىن مامانداندىرىلعان ورتالىق اشىلدى. مۇندا وقىتۋ ءىسى حالىقارالىق ستاندارتتارعا ساي جاڭا تەحنولوگيالارمەن جابدىقتالعان ارناۋلى بولمەلەردە جۇرگىزىلەدى.
ورتالىق ءتۇرلى ساناتتاعى ءجۇرگىزۋشىلەردى وقىتىپ, دايارلاۋ, كولىكتىك قىزمەت سالاسى ماماندارىنىڭ بىلىكتىلىگىن جوعارىلاتۋ, كوندۋكتورلاردى وقىتۋ, تاكسي جۇرگىزۋشىلەرىن دايىنداۋ, قىزمەتكەرلەردى باعالاۋ, قىزمەت ساپاسىن باقىلاۋ جانە قوعامدىق كولىك سالاسىنداعى قىزمەتكەرلەردى ءبىر بازادا بىرىكتىرۋ ماقساتىندا اشىلىپ وتىر. بۇل جەردە تەك قانا كولىك جۇرگىزۋشىلەرى عانا ەمەس, سونىمەن قاتار, كوندۋكتورلار, BRT جانە كولىك قاتىناسى ماماندارى تاجىريبەلەرىن ارتتىرا الادى.
قازىرگى شاقتا ورتالىقتا 23 قىزمەتكەر ەڭبەك ەتىپ جاتسا, ونىڭ 13-ءى – وقىتۋشىلار. ال, وقىتۋ نىسانى ءتورت ءبىلىم بەرەتىن جانە ەكى كومپيۋتەرلىك سىنىپپەن قامتاماسىز ەتىلگەن. ول جەردە تەوريالىق بىلىمدەردەن بولەك, تەحنولوگيالىق كابينەتتەردە دە تاجىريبە جيناۋ جاعدايى قاراستىرىلعان.
قوعامدىق كولىك جۇرگىزۋشىلەرى قىزمەتىنىڭ ساپاسىن ارتتىرۋ ءۇشىن ەكى زاماناۋي مۋلتيمەديالىق اۆتوبۋس-جاتتىقتىرۋشى قويىلدى. سونىمەن قاتار, ەلەكتروندى جۇيە ارقىلى جولاقى تولەۋگە دە مۇمكىندىك تۋادى.
بىلىكتىلىكتى جوعارىلاتۋ ءدارىستەرى ءتورت دەڭگەيگە نەگىزدەلگەن.
ورتالىق ءبىر ايدا 120 ادام وقىتىپ, جىل سوڭىنا دەيىن 1080 ماماننىڭ بىلىكتىلىگىن جوعارىلاتۋدى جوسپارعا ەنگىزگەن.