قازاق ۇلتتىق ونەر ۋنيۆەرسيتەتىنىڭ 25 جىلدىق مەرەيتويى قارساڭىندا وقۋ ورنى كوللەدجى قازاق حالىق اسپاپتار وركەسترىنىڭ ەسەپ بەرۋ كونتسەرتى ءوتتى. وركەستردىڭ جەتەكشىسى – اتالمىش ۋنيۆەرسيتەتتىڭ العاشقى تۇلەكتەرىنىڭ ءبىرى, مادەنيەت قايراتكەرى نۇرلان بەكەنوۆ.
تۇركەشتىڭ «كوڭىلاشار» كۇيىمەن اشىلىپ, كۇي اتاسى – قۇرمانعازىنىڭ «سارىارقاسىمەن» تۇيىندەلگەن كەشتە جالپى جيىرماعا تارتا شىعارما ورىندالدى. اتاپ ايتقاندا, اراسىندا كۇي اناسى – دينا, قازانعاپ, ىقىلاس, داۋلەتكەرەي سىندى حالىق كۇيشىلەرىنىڭ, ۇكىلى ىبىراي, ەستاي سياقتى حالىق كومپوزيتورلارىنىڭ, مۇقان تولەباەۆ, نۇرعيسا تىلەنديەۆ سەكىلدى مۋزىكا مايتالماندارىنىڭ تۋىندىلارى بولدى.
كونتسەرتتى تاماشالاعان قازاق ۇلتتىق ونەر ۋنيۆەرسيتەتىنىڭ پروفەسسورلارى راۋشان مۇساقوجاەۆا مەن ورىنباي دۇيسەن رەپەرتۋاردىڭ جاقسى تاڭدالعانىن, ستۋدەنتتەردىڭ تەحنيكالىق شەبەرلىگىن اتاپ ءوتتى.
