كونە زاماننان – بۇگىنگە دەيىن

استانا قالاسىنىڭ مەملەكەتتىك مۇراعاتىندا  قر اتا زاڭى كۇنىنە وراي «عاسىرلار ەلەگىنەن وتكەن قازاقستان كونستيتۋتسياسى» اتتى كورمە اشىلدى.

وندا قازاق حاندىعى ءداۋى­رىن­­دەگى زاڭدار جيىن­تىعى, پات­شا­لىق رەسەي زامانىن­داعى دالا زاڭدارى, قازاقتان شىققان تۇڭ­عىش زاڭگەرلەر تۋرا­لى ءمالى­مەت­تەر, «الاش وردا» پار­تيا­سىنىڭ باعدار­لاماسى, كەڭەس كەزەڭىنىڭ زاڭنا­ما­لىق اكتىلەرى مەن شە­تەل­دىك اۆتور­لاردىڭ قازاقستان ءجونىن­دەگى ەڭبەك­تەرىنەن تۇراتىن قۇندى قۇجاتتار قوسىلدى.
كوشپەندىلەر زامانىنان تاۋەلسىز قازاقستان مەملەكەتى قۇرىلعانعا دەيىنگى كەزەڭدى قامتىپ, ەلىمىزدىڭ زاڭدىق-قۇقىقتىق قالىپتاسۋى مەن دامۋىن كورسەتۋ ماقساتىندا اشىلعان كورمەدەن تاۋكە حان­نىڭ «جەتى جارعى» زاڭىنىڭ ۇزىندىسىنەن باستاپ, قازاق حاندى­عىنىڭ كارتاسىن كورە الامىز.
«قازاقتان شىققان العاشقى زاڭگەرلەر كىمدەر؟ كورمەنى كورۋگە كەلسەڭىزدەر, بۇل سۇراققا دا جاۋاپتى تابا الاسىزدار. رەسەيدىڭ ۇزدىك جوعارعى وقۋ ورىندارىندا ءبىلىم الىپ, بىرنەشە شاقىرىلىمداعى مەم­لەكەتتىك دۋما دەپۋتات­تا­رىنىڭ قۇرامىندا ۇلتتىق مۇددەنى قورعاعان تۇڭعىش قازاق زاڭگەرلەرى تۋرالى مۇراعات قۇجاتتارى بۇل كورمەنى ايشىقتاپ تۇر. اتالمىش قۇجاتتاردىڭ ءبىرازى ەل نازارىنا العاش رەت شىعارىلىپ وتىرعانىن ايتا كەتەيىن. احمەت ءبىرىمجانوۆ, جاقىپ اقباەۆ, تۇرار رىسقۇلوۆ, جانشا دوسمۇحامەدوۆ, ءاليحان بوكەيحانوۆ, ءۋاليتحان تاناشەۆ, بارلىبەك سىرتانوۆ, ابدوللا تەمىروۆ, سالىمگەرەي ءجانتورين, ايدارحان تۇرلى­باەۆ سىندى الاشوردا قايرات­كەر­لەرىنىڭ قۇجاتتارى, ولار­دىڭ «ايقاپ» جۋرنالىندا جا­­ريا­لانعان ماقالالارى كوپ­شى­لىكتى قىزىقتىرارى ءسوزسىز» دەيدى قالالىق مۇراعات­تىڭ مۇرا­عاتشىسى شارا باتتالعازيەۆا.
بۇل قۇجاتتارعا قوسا, «الاش وردا» پارتياسىنىڭ باع­دار­لاماسى مەن 1917 جىلى ورىنبور قالاسىندا وتكەن جالپىقازاق سەزىنىڭ ناتيجەسىندە قابىل­دانعان پارتيانىڭ حاتتاماسى مەن قارارى, حح عاسىر باسىنداعى الاش زيالىلارىنىڭ فوتوسۋرەتتەرى دە ورىن العان. كورمەدە سول زامان تىنىسىنان حابار بەرەتىن باسقا دا مالىمەتتەر مولىنان قامتىلعان.

امانعالي قالجانوۆ