ەلوردانىڭ ج. جاباەۆ اتىنداعى №4 مەكتەپ-گيمنازياسىندا «مەكتەپكە جول» اتتى جالپىرەسپۋبليكالىق اكتسيا ءوتتى. ءبىلىم وشاعىنداعى ساۋاپتى شارانىڭ ۇيىمداستىرىلۋىنا استانا قالاسى ءماسليحاتىنىڭ دەپۋتاتى ەسەنجول بەكىشوۆ تىكەلەي مۇرىندىق بولدى.
– جاڭا وقۋ جىلىنىڭ قارساڭىندا كوپ بالالى جانە الەۋمەتتىك جاعدايى ناشار وتباسىدان شىققان, جەتىم نەمەسە اتا-انا قامقورلىعىنسىز قالعان بۇلدىرشىندەردى قۋانتىپ, ساباققا قاجەتتى قۇرال-جابدىقتارمەن قامتاماسىز ەتۋدى ماقسات تۇتتىق. بالدىرعاندارىمىزدىڭ ارقاشان بال-بۇل جايناپ جۇرگەنىن كورگىمىز كەلەدى. ۇل-قىزداردىڭ بار مىندەتى – مىنا ءسومكەلەردىڭ ءىشىن بەستىك باعاعا تولتىرۋ, – دەپ, حالىق قالاۋلىسى جىلى لەبىزىن ءبىلدىردى.
سونداي-اق, جيىن بارىسىندا الماتى اۋدانىنىڭ اكىمى ەرماعانبەت بولەكپاەۆ تا ءسوز سويلەپ, وسىناۋ يگى ىسكە دەمەۋشىلىك جاساعان دەپۋتاتقا ىستىق ىقىلاسىن جەتكىزدى.
ال كىشكەنتايلاردىڭ قۋانىشىندا شەك جوق. ءبىرى – فورماسىن, ءبىرى – داپتەر-قالامىن, ەندى ءبىرى سۋ جاڭا نوۋتبۋگىن قىزىقتاپ, ءماز-مەيرام. «مەن ەندى سىنىپتاعى ەڭ ۇزدىك وقۋشى بولامىن. بىزگە جاساعان جاقسىلىعى ءۇشىن قايىرىمدى اعالارعا كوپ راحمەت!» دەيدى ەرسۇلتان ەسىمدى ءتامپىش تاناۋ سارى بالا.
ءوز كەزەگىندە اتالمىش مەكتەپ ديرەكتورىنىڭ وقۋ ءىسى جونىندەگى ورىنباسارى ايگۇل قاشاەۆا ورتاعا شىعىپ, قوناقتارعا شەكسىز العىسىن ايتتى. شارانىڭ سوڭى كوڭىلدى ءان مەن بيگە ۇلاستى.
بوتاگوز ماراتقىزى