ماحامبەت وتەمىسۇلى اتىنداعى وقۋشىلار سارايى كونستيتۋتسيا كۇنىنە ارنالعان «مەنىڭ وتانىم, مەنىڭ قۇقىعىم» اتتى ۆيرتۋالدى كورمە ۇيىمداستىردى.
كونستيتۋتسيا – حالىقتىڭ بىرلىگىن, قوعامدىق جانە رۋحاني كەلىسىمىن نىعايتىپ, ەگەمەندىك پەن ساياسي تۇراقتىلىقتىڭ كەپىلىنە اينالعان قۇندىلىق. وسى ورايدا ۇيىمداستىرىلعان كورمە بەينەلەۋ ونەرى ۇيىرمەسىنىڭ تاربيەلەنۋشىلەرى اراسىندا وتكەن سۋرەت بايقاۋىنىڭ ناتيجەسى نەگىزىندە جۇزەگە استى. كورمەنىڭ ماقساتى – بالالاردىڭ بويىنداعى پاتريوتتىق سەزىمدى دامىتۋ, ادامگەرشىلىك قۇندىلىقتاردى دارىپتەۋ. اتالمىش بايقاۋعا ۇزدىك دەپ تانىلعان 20 سۋرەت قابىلداندى. تاربيەلەنۋشىلەر ءوز سۋرەتتەرىندە تاقىرىپقا ساي بالالاردىڭ ءومىر ءسۇرۋ, ءبىلىم الۋ, دەنساۋلىعىن ساقتاۋ, دەمالۋ, دامۋ سىندى قۇقىقتارىن بەينەلەپ كورسەتتى.
ۆيرتۋالدى كورمە م.وتەمىسۇلى اتىنداعى وقۋشىلار سارايىنىڭ الەۋمەتتىك جەلىلەرى مەن رەسمي سايتىندا جاريالانعان بولاتىن. كورمەگە قاتىسۋشىلار ارنايى ديپلومدارمەن ماراپاتتالدى.
